News » हत्या भएको ५ दिन पछि मकै बारीमा टाउको फेला पर्यो

दाङ ११ साउन– दाङमा गत बिहिवार हत्या गरिएकी देवकी बिश्वकर्माको टाउको पाँच दिन पछि मकैबारीमा गाडिएको अबस्थामा फेला परेको छ । घोराही नगरपालीका ४ चौघेरामा ५६ बर्षिया देवकीको विभत्स हत्या गरि हत्याराले टाउको, कलेजो, फोक्सो र आन्द्रा बेपत्ता पारेको थियो ।

नजयचबजष्ण्ज्ञहत्याको अभियोगमा सोही ठाउँका ज्वाई नाता पर्ने ३८ बर्षिय रमेश बिश्वकर्मालाई खुकुरी सहित पक्राउ गरेपछि घटनाको रहस्य खुलेको हो । जिल्ला प्रहरी कार्यालयबाट खटिएको प्रहरीको टोलीले आईतबार देउखुरी सतबरीया गाबिस २ कप्तानगञ्ज रमेशलाई खुकुरी सहित पक्राउ गरेको थियो ।

रमेशको वयानका आधारमा घटना भएको ६ सय मिटर पूर्व मकैबारीमा सोमबार गाडिएको अबस्थामा टाउको फेला परेको दाङका प्रहरी प्रमुख प्रहरी उपरिक्षक कुवेर कडायतले जानकारी दिनुभयो । अन्य कलेजो, फोक्सो र आन्द्रा भने भेटिएको छैन् ।

टाउको गाडेको स्थान देखाए पनि मानसिक रोगि रहेका रमेशले अरुले नै हत्या गरेको प्रहरीलाई बयान दिएका छन् । सोधपुछको क्रम जारी रहेको र थप अनुसन्धान भैरहेको प्रहरी प्रबक्ता डिएसपी रञ्जितसिंह राठौरले जानकारी दिनुभएको छ ।

नजयचबजष्ण्द्दमानसिक रोगि रहेकी देवकी २५ बर्ष देखी त्रिपुर ४ सौरीमा दाजु डम्बरबहादुर बिश्वकर्माको घरमा बस्दै आएको र बिहिबार बहिनी विमला बिश्वकर्माको घरमा आएको बेला हत्या भएको थियो । घर नजिकैको भान्सामा सुतेकी देवकीको हत्या पछि टाउको, कलेजो, फोक्सा र आन्द्रा सहित हत्यारा बेपत्ता भएको थियो ।

रमेशको नाममा पिडित पक्षले जिल्ला प्रहरी कार्यालयमा किटानी जाहेरी दिएका थिए । जाहेरी र रमेशको चालचलनका बारेमा अनुसन्धान गर्दा उनि नै दोषि रहेको प्रहरीले बताएको छ । यस अघि पनि रमेशले चौघेरामा समाधीबाट टाउको निकाल्ने, भेडा बाख्रा काट्ने हर्कत गर्दै आएको स्थानियले बताएका छन् ।
Photo: tulsipuronline.com