एन्ड्रोइड प्रयोगकर्ताहरुका लागि इन्टरनेटका माध्यमबाट यो एप्लीकेशनले भ्वाइस कल गर्न मिल्ने सुविधा ल्याएको छ। यो सुविधा आईओएस प्रयोगकर्ताहरुका लागि छिट्टै आउने भएको छ। डाटा कनेक्सन र वाईफाई बिना ह्वाट्सएप प्रयोग गर्न सकिदैन। ह्वाट्सएपमा ग्रुप म्यासेज पनि गर्न मिल्छ। फोनमा रहेको कन्ट्याक्टस्हरु स्वतः यस एप्लीकेशनमा जोडिन्छन्।

स्काइपः
स्काइपका मदतले म्यासेज, भ्वाइस र भिडियो कलको सेवा लिन सकिन्छ तर यसका लागि डाटा कनेक्सन र वाईफाई हुनु आवश्यक छ। यस एप्लीकेशनबाट फोटो, भिडियो सेयर गर्न मिल्छ र यसका साथै ग्रुप च्याट, कन्फ्रेन्स कल पनि गर्न सकिन्छ। स्काइपबाट विश्वका जुन सुकै स्थानमा मोबाइल र ल्यान्ड लाइनहरुमा फोन गर्न मिल्छ तर यसका लागि क्रेडिट एकाउन्ट हुनु पर्छ।

भाइबरः
भाइबरमा पनि स्काइप जस्तै म्यासेज पठाउन मिल्ने, फोटो र भिडियो पठाउन मिल्ने र भ्वाइस कल गर्न मिल्ने सुविधा रहेको छ। यसमा पनि डाटा कनेक्सन र वाईफाई चाहिन्छ। ह्वाट्सएप जस्तै यसमा पनि क्न्ट्याक्ट अईडीका रुपमा प्रयोग हुन्छन्।

आईसीक्यु म्यासेन्जरः
भाइबर, ह्वाट्सएप जस्तै आईसीक्यु म्यासेन्जरबाट पनि म्यासेज, फोटो, भिडियो पठाउन मिल्छ र भिडियो च्याट र भ्वाइस कल पनि गर्न मिल्छ। यसका लागि पनि डाटा कनेक्सन र वाईफाइ चाहिने हुन्छ।

लाईनः
लाईन पनि एउटा म्यासेजीङ एप हो। स्मार्टफोन र कम्प्युटरमा पनि यस एप्लीकेशनबाट भ्वाइस र भिडियो कल गर्न मिल्छ । फोटो, भिडियो र जीपीएस सङ्केतहरु पनि पठाउन मिल्छ। ग्रुप च्याट गर्न मिल्ने लाईनमा स्टिकर स्टोर पनि रहेको छ।source kinmel.setopati

याङ्की हेल्मो
मेरो नाम याङ्की हेल्मो हो। उमेर ३५ बर्षको भयो। पुर्खौली घर चाहिँ सिन्धुपलाञ्चोक छिमी हो। तर, जन्म काठमाडौमा। मेरा आमाबाबा हाल क्यानाडामा हुनुहुन्छ। सम्पन्न परिवारमा मेरो जन्म भए पनि आफ्नो उदेश्य र सपनाले गर्दा म सधैं आफैँ आफ्नो खुट्टामा उभिन चाहान्थें। आफ्नो पहिचान आफैँ बनाउँन चाहान्थें। केही गरेर देखाउने सपना थियो । त्यही सपना बोकेर बि.सं.०५१ तिर विदेश पलायन भएँ।
 याङ्की हेल्मो
याङ्की हेल्मो
सबैजनालाई एउटा उदेश्य र सपना बोकेको बिदेशिएको मेरो कथा र विदेशले परिबर्तन गराएको मेरो उदेश्य र सपनाको कथा ब्यक्त गर्न चाहान्छु।
बैदेशिक यात्रा मेरो हङ्कङ्बाट शुरु भयो। त्यहाँ घरेलु काम शुरु गरें। एक बृद्द आमालाई हेरचाह गर्नुपर्ने काम थियो। जिन्दगीमा मेरो उदेश्य पैसा कमाउनु मात्र थिएन, त्यसैले मन मानेन ।
घरबाट बिस्तारै बाहिर निस्कन शुरु गरें। नेपालीहरुसँग घुलमिल हुन थालें, भेट्न थालें। काम परिबर्तन गर्न उनीहरुलाई ठूलो समस्या रहेछ। बिस्तारै चिनजानका मान्छेहरु बनाउँदै, समस्यामा परेकाहरुलाई सहयोग गर्न शुरु गरें। नेपालीहरुको दुख सुखमा साथ दिने मौका मिल्दै गयो।
नयाँ अध्याय शुरु भयो। काम परिबर्तन गर्ने, सहयोग गर्ने काम गर्दागर्दै आखिर त्यतैतिर जागिर खाने अवसर मिल्यो। अफिसमा काम गर्न थालें। कहिलेकाहिँ काम बिशेषले चाइना पनि जानुपर्ने हुन्थ्यो। नेपालीहरुका कागजपत्र र कामले दिन बितेको पत्तो हुदैनथ्यो।
समस्याको समाधान हुँदा, धेरै नेपाली दिदीबहिनीहरु, दाजुभाइहरु खुशी हुन्थे। अरुको खुशीमा आफैलाई आनन्द लाग्थ्यो। एक दिन  एक्कासी बृद्द भएकी आमाको देहान्तको खबर आयो। जिन्दगीले फेरि एकपटक छाङ्गाबाट खसाल्यो । आफैले आफैलाई धिक्कारें। विदेशको ४ बर्ष यात्रा टुङ्गाउँदै नेपाल फर्किएँ।
जन्म दिने आमाको देहान्तपछि जीवनले नयाँ मोड लियो। बिस्तारै आफुलाई पनि सम्हालें। बैबाहिक जीवनमा पनि बाँधिन पुगें। फेरि अर्को १२ बर्षसम्मको यात्रा स्वदेशमा नै बित्यो। बिस्तारै समय परिस्थितिसँगै विदेश आउने निर्णय लिएँ। केही समय अमेरिका जाने कोशिस गरें । तर, सफल भइँन।
 जिन्दगीको गोरेटोले साईप्रसमा ल्याइपुर्यायो। यहाँ आएपछि पनि नेपाल र हङ्कङ् बस्दा आफुले सिकेका जिन्दगीका अनुभवहरु साट्ने कोशिस गरें। तर ६ महिना सम्म त घरबाट बाहिर कतै निस्कन मिलेन। एउटी बृद्द आमा र बाबालाई हेर्ने काम गर्थें। मैले हेर्ने आमालाई बिसन्चो भएका कारण पटक-पटक अस्पताल लैजानु पर्थ्यो  । राम्रोसँग हेरचार गरेको देखेर मलाई उनीहरुले साह्रै मन पराए।
Sita-Bhattarai
साइप्रसमा एसिड अाक्रमणमा परेकी सीता भट्टरार्इ
उनीहरु मजस्तै कामदारको माग गर्थे, जसले मलाई धेरै नै खुशी बनाउथ्यो। कता कता काम गर्दाको सन्तुष्टि जस्तो पनि। तर, ती आमाको केही समयपछि देहान्त भयो। त्यसपछि एक्ला बृद्द बाबाको हेरेचार गर्दै अहिलेसम्म सोही काम गर्दै आएकी छु।  उहाँले मलाई छोरीजस्तै ब्यवहार गर्नुहुन्छ।
काम गरेको ७ महिनापछि म एक दिन साइप्रसको पाफोसको सितापार्क भन्ने ठाँउमा पुगें। त्यहाँ मैले पहिलोपटक नेपालीहरुसँग भेट्ने मौका पाएँ। दुख सुख साट्ने मौका पाएँ।
उनीहरुसँग भेट हुँदा नेपाल नै पुगेजस्तो अनुभव भयो। मन खुशी भयो, प्रफुल्ल भयो। तर, उनीहरुको दुख पीडा सुन्दा मन रोएर आउँछ। आँखाबाट आँशुका धाराहरु बग्दछन् । निद्रा लाग्दैन। मन भक्कानिन्छ।
यहाँका दिदी बहिनीहरुको घरमा काम गर्नुपर्ने हुँदा प्राय जसो दुर्ब्यवहारको चपेटामा परेका छन्। घरेलु हिँसाबाट पीडित थुप्रै महिलाहरुले मलाई पटकपटक सम्पर्क गर्नुहुन्छ। कतिपयलाई उद्धार गरेर राम्रो ठाँउमा काम लगाइदिने मेरो कोशिस सदैब रहन्छ। तर, नेपाली संघ संस्थाहरुले यसमा अझ बढी चासो दिन जरुरी छ। उनीहरुको पीडालाई बुझ्न जरुरी छ। जरैदेखि समस्याको समाधान गर्न सम्बन्धित निकायले चासो राख्न जरुरी छ।
नेपाली संघ संस्थाहरु र सम्बन्धित निकाय उहाँको साथमा एकजुट नहुँदा, उहाँको न्यायको लडाइँमा साथ नदिँदा र खासै पहल नगरिदिँदा मन दुखेको छ
आजभोलि कसैलाई पीडा परेमा एक चेलीको नाताले दिदी बहिनीहरुले मलाई फोन गर्नु हुन्छ। सम्बन्धित निकायभन्दा पनि पहिले आफुलाई घटनाबारे जानकारी दिँदा दिन प्रतिदिन जिम्मेबारी बढेको महसुस गर्छु। तर, यहाँ पीडालाई सरकारी निकायले बुझ्न जरुरी छ।
पछिल्लो क्रममा एक एसिड आक्रमणमा पर्नुभएकी नेपाली चेली सीता भट्टराईको पीडाले साह्रै दुखित बनायो। उहाँ एक महिनादेखि अहिले पनि मसँगै हुनुहुन्छ। स्थानीय पुलिसमा उजुरी दिएकी दिदीलाई पुलिसले पटक-पटक बयानका लागि बोलाइराखेको छ। खुट्टाको ड्रेसिंङ्ग गर्न दिन बिराएर अस्पताल लिएर जानुपर्छ। यसमा मेरो पूर्ण साथ रहेको छ।
तर, दिदीलाई उहाँको पीडामा साथ दिन कति नेपाली एकजुट हुन सक्यौं ?  यो दिदीको मात्र पीडा होइन, हामी सबै नेपाली चेलीहरुको पीडा हो। होला, कसैलाई राम्रो घर परेर समस्यामा हुनु हुन्न, तर कसैलाई समस्या परेको छ भने त्यसमा सबै मिलेर साथ दिन जरुरी छ।
घर साहुले जानाजान खुट्टामा एसिड पार्दै घाइते बन्नुभएकी चेलीको पीडामा म आफु पनि धेरैपटक रोएकी छु। उहाँको आफ्नो परिबार छ। आफन्त छन्। उहाँलाई न्याय दिलाउन सम्बन्धित ठाँउहरुमा ढोका ढक्ढकाएका छौ। तर, अझै न्यायको लडाइँ लडिरहनुभएको छ। यसमा तपाई हाम्रो साथको जरुरी छ। मायाको खाँचो छ। घटनालाई मोडेर टीका टिप्पणी होइन, सबैको एक आबाज बनाएर लड्न जरुरी छ। दोषीलाई कडा कार्बाही गर्न जरुरी छ। ता कि अर्को नेपाली चेलीलाई कसैले यस्तै दुर्ब्यबार गर्न नसकोस्।
तर, यहाँ स्थित नेपाली संघ संस्थाहरु र सम्बन्धित निकाय उहाँको साथमा एकजुट नहुँदा, उहाँको न्यायको लडाइँमा साथ नदिँदा र खासै पहल नगरिदिँदा मन दुखेको छ। चेलीका साथमा एउटी चेलीको साथ भन्दा ठूलो, संस्थागत साथ ठूलो हुन सक्थ्यो। यसलाई साइप्रसको नेपाली समुदायले सोच्न जरुरी छ । बुझ्न जरुरी छ।
जीवन भनेको आफ्नो सुन्दर जीवन मात्र होइन, कहिलेकाहिँ अरुतिर फर्केर पनि हेर्न सक्नुपर्छ। आज दुखमा कसैको साथी बन्न सके भोलि आफ्नो दुखका लागि कोही साथी खोज्न जरुरी छैन, आफै साथी बनेर आउनेछन् । आफू मात्र बाँच्नु र रमाउनु ठूलो कुरा होइन, अरुलाई पनि बचाउन सक्नुपर्छ। खुशी दिन सक्नु पर्छ। चाहे प्रवास होस् वा स्वदेश । दुखमा हात दिने मान्छे जस्तो सहयोगी र ठूलो धर्म अरु केही हुन सक्दैन। जीवनको यही लक्ष्यलाई मैले सदैब उच्च राख्दै पछ्इयारहेकी छु।
आजभोलि मेरो हराएको खुशी खोजिरहेकी छु। सीता भट्टराईको न्याय हराएको छ। यसैमा मेरो खुशी जोडिएको छ। तसर्थ मेरो अनुरोध छ, दिदीको पीडामा फुटेर हैन, जुटेर साथ दिउँ। जीत हाम्रो सुनिश्चित छ। हराएको खुशीलाई फिर्ता बोलाउँ यसमा तपाई पनि साथ जरुरी छ।source toptennews

पृथ्वी नयाँ चरणको संकटतर्फ प्रवेश गरेको ‘डरलाग्दो’ प्रतिवेदन सार्वजनिक –
काठमाडौं, आषाढ ५ । अमेरिकाका तीन विश्वविद्यालयले पृथ्वी ‘नयाँ चरणको संकटतर्फ’ प्रवेश गरेको डरलाग्दो

अध्ययन प्रतिवेदन सार्वजनिक गरेका छन् ।पछिल्ला वर्षहरुमा देखिएका संकट ६ करोड वर्ष अगाडिकोझैं रहेको निष्कर्ष निकाल्दै प्रतिवेदनमा भनिएको छ–‘पहिलो बाटो मानव विनाशको हुनेछ ।’ earth_final_fialस्टानफोर्ड विश्वविद्यालयको नेतृत्वमा प्रिन्सटन र बर्कले जस्ता ख्यातीप्राप्त विश्वविद्यालयको अनुसन्धान प्रतिवेदनले सामान्य अवस्थाभन्दा अहिले ११४ गुणा छिटो क्षति हुन थालेको उल्लेख गरेको हो ।छैटौं चरणको ठूलो विनाशतर्फ अघि बढेको अनुसन्धानकर्तामध्येका एकले जनाएका छन् ।यस्तैखाले डरलाग्दो अवस्था साँढे ६ करोड वर्ष अगाडि देखापरेको र त्यसबेला डायनोसर जस्ता जनावर लुप्त भएको थियो । पृथ्वी अत्यधिक तात्दा जीवन भएका सबैखाले प्राणी सखाप भएका थिए ।


अनुसन्धानको नेतृत्व गरेका गेरारडो सेबालोस भन्छन्–‘अहिलेकै अव्यवस्थालाई छाडिदिने हो भने हाम्रा थुप्रै प्रजातिलाई पुनर्जीवन पाउन लाखौं वर्ष लाग्नसक्छ ।’सन् १९०० यता मात्र चार सयभन्दा बढी त्यस्ता प्रजातीहरु हराएको दाबी गरिएको छ ।जलवायु परिवर्तन, बढ्दो प्रदुषण र चर्को खडेरी जस्ता कारणले यो संकट निम्तिन थालेको विज्ञान जर्नलमा छापिएको अनुसन्धान रिपोर्टमा उल्लेख छsource taja khabar

काठमाडौं : दुबई लैजाने क्रममा भारतको दिल्लीमा पुर्‍याइएका २७ जना युवतीलाई उद्धार गरी मंगलबार जहाजमा काठमाडौं फर्काइएको छ।

दिल्लीस्थित नेपाली दूतावास र महिला मन्त्रालयको पहलमा उनीहरुलाई स्वदेश फर्काइएको हो। उनीहरुलाई अनुसन्धानका लागि प्रहरीको केन्द्रीय अनुसन्धान ब्यूरोमा राखिएको छ। नेपाल बायु सेवा निगमको जहाजमा उनीहरुलाई अपरान्ह पौने एक बजे काठमाडौं ल्याइएको हो।


विमानस्थलबाट प्रहरीकै गाडीमा उनीहरुलाई ब्यूरोमा लगिएको छ। प्रहरी मुख्यालयका वरिष्ठ उपरीक्षक दिनेशप्रसाद गौतमले अनुसन्धान गरेर सबै कुरा बाहिर ल्याइने बताए।  एसएसपी गौतम फर्केका युवतीहरुलाई रिसिभ गर्न आफै विमानस्थल पुगेका थिए।
मानव बेचबिखनमा संलग्न गिरोहले दुबई डान्स बारमा राम्रो जागिर लगाइदिने प्रलोभन दिएर ती युवतीलाई  दिल्ली लगेको बुझिएको छ। दिल्लीस्थित प्रहरी र केही सामाजिक संस्थाको सहयोगमा उनीहरुलाई उद्धार गरिएको हो।
उद्धार गरेर फर्काइएका युवतीमा २० देखि ४० वर्षसम्मका छन्। ती युवतीहरुलाई भीभीआइपी गेट प्रयोग गरेर विमानस्थलबाट बाहिरि निकालिएको थियो। source annapurnapost

काठमाडौं : सुनको भाउ फेरि सस्तिएको छ। मंगलबार सुनको भाउ तोलामा तीनसय रुपैयाँले घटेको छ। तोलाको ४७ हजार पाँचसय रुपैयाँका दरले म‌ंगलबार सुनको कारोबार भइरहेको छ।
नेपाली बजारमा सुनको भाउ निरन्तर ओरालो लागिरहेको छ। यसअघि सोमबार सुनको भाउ तोलाको ४७ हजार आठसय रुपैयाँ रहेको थियो । मंगलबार चाँदी पनि पाँच रुपैयाँ सस्तो भएको छ। चाँदी मंगलबार तोलाको ६ सय ६० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।source taja khabar

१९ साउन, काठमाडौं ।
संविधानको प्रारम्भिक मस्यौदामा आफ्ना हक अधिकार नसमेटिएको भन्दै दलित अधिकारकर्मीहरुले गरेको विरोध प्रदर्शनमा सभासद्हरु कुटिएका छन् ।
दलित अधिकारकर्मीहरुले मंगलबार विहान काठमाडौको विजुलीबजारमा गरेको प्रदर्शनमा नेपाली काँग्रेसका मानबहादुर विश्वकर्मा, एकीकृत नेकपा माओवादीका दलजित विक श्रीपाली लगायतका सभासद् घाइते भएका हुन ।
माइतीघर मण्डलाबाट निस्किएको जुलुस विजुलीबजारबाट अगाडी बढ्न खोजेपछि प्रहरीले प्रदर्शनकारीहरुमाथि बल प्रयोग गरेको थियो ।
प्रहरीले विजुलीबजार अगाडिको भाग निषेधित क्षेत्र भएको भन्दै अगाडि बढ्न नदिएकामा प्रदर्शनकारीहरुले जर्बजस्ती गरेपछि झडप भएको हो । प्रहरीको बल प्रयोगवाट ५० जना भन्दा बढी घाइते भएको संयुक्त दलित संघर्ष समितिले जनाएको छ ।
झडपमा केही प्रहरी समेत घाइते भएका छन । लाठी प्रहारबाट घाइते काँग्रेस सभासद् मानबहादुर विश्वकर्मालाई उपचारका लागि शिक्षण अस्पताल महाराजगञ्ज लगिएको छ ।
प्रारम्भिक मस्यौदामा पहिलो संविधानसभामा सहमति भइसकेका विषयलाई समावेश नगरिएको विरोधमा दलित अधिकारकर्मीहरुले मंगलबार सबै जिल्ला सदरमुकाममा प्रदर्शनको कार्यक्रम राखेका थिए ।source nepaliheadlines

अहिलकोे समयमा फेसबुक सबैभन्दा लोकप्रिय सामाजिक संजाल रहेको छ। यसको सर्च अप्सनको बारेमा त सबैलाई थाहा नै छ।
फेसबुकमा केही कुरा सर्च गर्‍याे भने त्यसको हिस्ट्री सेभ हुन्छ। यी फेसबुक हिस्ट्रीहरु डिलीट गर्ने उपाय धेरैलाई थाहा नहुन सक्छ।
तल दिइएका तरिकाले फेसबुक हिस्ट्रीहरु डिलीट गर्न सकिन्छ
१– पहिला आफ्नो फेसबुक लगइन गर्ने।

२– लगइन गरिसकेपछि फेसबुक पेजको दायाँ पट्टिमा रहेको डाउन एरोमा क्लिक गर्ने र  एक्टिभिटी लगमा देखिएपछि त्यसलाई सेलेक्ट गर्ने।
३– एक्टिभिटी लग मेनुमा आइसकेपछि बाँया तिर आउने मोर अप्सनमा क्लिक गर्ने र त्यसपछि सर्च आउँछ, त्यसमा क्लिक गर्ने।

४– यस स्टेपमा फेसबुकमा गरिएका सबै हिस्ट्री देखिन्छन्। यसबाट जुन हिस्ट्रीलाई डिलीट गर्न चाहेको हो त्यसको ठीक हिस्ट्री अगाडीको ब्लक आइकनमा क्लिक गर्ने। यसपछि ड्रप डाउन मेनुमा डिलीट अप्सन देखिने छ।
५– यदि पुरै हिस्ट्रीलाई एकै साथ डिलीट गर्ने हो भने पेजको माथि भएको क्लियर सर्च लिङ्कमा क्लिक गरेपछि पुरै हिस्ट्री डिलीट हुन्छ।source taja khabar

मिडिया एनपी, काठमाण्डौं १९ साउन । नयाँ संबिधानमा दलित समुदायका अधिकारहरु सुनिश्चित गर्न माग गर्दै संयुक्त राजनीतिक दलित संघर्ष समितिले मंगलबार देशव्यापी एक घण्टा चक्काजामको आब्हान गरेको छ । अधिकारको माग गर्दै गरिएको चक्का जामको राजधानीमा भने आंशिक प्रभाव देखिएको छ ।
बुटवलमा भने मुख्य राजमार्ग सुनसान देखिए छ ।
तर, भित्री सडकबाट गाडीहरु गुडेका छन् । बुटवलको राजमार्ग चौराहा र भैरहवाको बुद्धचोकमा बसेर बन्दकर्ताहरुले चक्काजाम गरेका थिए ।
राज्यका सबै संयन्त्र र निकायहरुमा दलित समुदायको अनिवार्य समानुपातिक प्रतिनिधित्व हुनुपर्ने, समानुपातिक समाबेसी प्रतिनिधित्वको संवैधानिक ग्यारेन्टी गर्नुपर्ने, प्रत्यक्ष निर्वाचन तर्फ १३ प्रतिशत सहभागिता सुनिश्चित गर्न छुट्टै निर्वाचन क्षेत्र हुनुपर्ने लगायत माग गरिएको छ ।
माग सम्वोधनका लागि दबाव दिने उद्देश्यले मंगलबार नै देशभरका जिल्ला प्रशासन कार्यालयहरुमा पनि एक घण्टा धर्ना दिइएको छ ।source taja khabar

१९ साउन, सप्तरी । सप्तरीको राजविराज नगरपालिका–१ स्थित कपडा पसलमा झुन्डिएको अवस्थामा एक युवक मृत अवस्थामा फेला परेको छ ।
मृत्यु हुनेमा राजविराज नगरपालिका–४ निवासी २८ वर्षीय वसन्त साह रहेको प्रहरीले जनाएको छ । गत शनिबारदेखि बेपत्ता रहेको साहको खोजी गर्दा सोमबार साँझ उनलार्इ फेला पारिएको थियो । साह कपडा पसलको भित्री कोठामा मृत अवस्थामा फेला परेको जिल्ला प्रहरी कार्यालयका प्रहरी नायब उपरीक्षक नारायणप्रसाद चिमरियाले जानकारी दिए ।
शव परीक्षणका लागि राजविराजस्थित गजेन्द्रनारायण सिंह सगरमाथा अञ्चल अस्पतालमा राखिएको छ ।
घटनाबारे अनुसन्धान भइरहेको जिल्ला प्रहरी कार्यालयले जनाएको छ ।source taja khabar

जर्मनको मैग्ड़ेन शहरमा हवेल र  मिटेल्याण्ड नदीको माथि एक यस्तो पुल छ,जसबाट अर्को नदी बग्दछ । त्यस नदीमा  साना-ठुलो सबै खाले जाहजहरु चल्दछ ।
यो पुल भएको नदी मैग्ड़ेन शहर बाहिरको एल्बे नदी संग गएर मिल्दछ । यो पुल मैग्ड़ेन वाटर ब्रिजको नामले संसार प्रसिद्ध छ ।  व्यवसायिको लागि यो निकै महत्वपूर्ण रहेको यो पुलबाट साना-ठुलो सबै खाले व्यवसायिक जाहजहरु पूर्वी जर्मनी र  पश्चिमी जर्मनी आउन जान प्रयोग हुनगर्दछ ।
यो पुलको निर्माण सन १९३०मा गर्न लागिएको थियो तर दोस्रो  विश्वयुद्धको कारण रोकिन पुग्यो । पुनः १९९७मा यो पुलको निर्माण सुरुवात गरियो र सन २००३मा  झन्डै ६०० करोडको लागतमा निर्माण पुरा गरिएको थियो । जाहज चल्ने सक्ने संसारकै लामो यो पुलको लम्बाई एक किलोमिटर रहेको छ ।source taja khabar

धरान: धरान उपमहानगरपालिका-३ मा सोमवार राति खोटाङा शंकर राईको हत्या गरिएको छ। खोटाङको दिप्लुङ स्थायी घर भएका राई परिवारका साथ धरानमा डेरा गरी बस्दै आएका थिए।

उनको मंगलवार धरानको माछा भौडीको खहरे खोलामा शव भेटिएको छ।टाउको गम्भिर प्रकारका चोट दखिएकाले उनको हत्या गरिएको आशंका गरिएको छ।भुपु सिंहापुर पुलिस रहेका राई जागिर छाडेर १० बर्षदेखि  धरानमा डेरा गरी परिवार सहित बस्दै आएका थिए।

हत्याराहरुले शंकरको हत्या गरी कम्मरमाथिको भागमा लुगा समेत नभएको अवस्थामा खहरे खोलामा सब फालेको अवस्थामा प्रहरीले उनको शव पानीबाट निकालेर मुचुल्का गरी सब सल्यपरिक्षणका लागि बीपी कोइराला स्वास्थ्य विज्ञान प्रतिष्ठान पठाएको छ।

घटनाबारे अनुसन्धान थालीएको इलाका प्रहरी कार्यालय धरानका डिएसपी सुदमकुमार सिजापतीले बताएका छन्। उनले शंकरको हत्याबारे सत्यतथ्य छानविन गर्न प्रहरी परिरचालन गरिएको बताएका छन्।

यस अघि साउन १ गते धरान-८ का भेसु मगरको पनि हत्या गरिएको थियो। भेसुका पाँचजना हत्यारालाई प्रहरीले पक्राउ गरी सकेको छ। शंकरको हत्या पश्‍चात धरानवासि आतंकित भएका छन्। स्रोत : अन्नपुर्णपोस्ट

काठमाडौं—सम्पन्न आधुनिक जीवनशैलीको सपना बुन्दै चिनियाँ नागरिकसँग उत्तरी छिमेकमा घरजम बसाउने नेपाली युवतीहरुका सपना अन्ततः यौन हिंसा, यातना र शोषणमा परिणत भएका छन्। चीन पुगेर जीवनमा सुखसयल थप्ने अनि नयाँ उल्लासमा बाँच्ने उनीहरुका सपना टुक्रिएका छन्। यौन हिंसा र शोषण खेपिरहेका त्यस्ता धेरै नेपाली युवती अहिले चीनमा उद्धारको पर्खाइमा छन्।

नेपाली युवतीको विस्तृत व्यक्तिगत विवरण तथा ठेगाना नखुल्दा उद्धार गर्न सरकारी अधिकारीलाई अप्ठ्यारो परिरहेको छ। नेपालबाट चीनका विभिन्न गाउँ तथा सहर पुर्‍याइएका उनीहरुले आफू वरिपरिको स्थान र समुदायबारे सरकारी अधिकारीलाई जानकारी दिन नसक्दा उद्धार कठिन बनेको हो।

काभ्रेकी २१ वर्षीय सानुमाया (नाम परिर्वतन) लाई नेपाली दललाले चीनको आधुनिक र वैभवपूर्ण जीवनशैली भएको पुरुषसँग विवाह गरी घरजम गर्ने सपना देखाएका थिए। अहिले उनी आफू दुवै देशमा केटी बेच्ने दलालको शिकार भएको अनुभव गर्दैछिन्।


सेल्फी खिचेर वीच्याटबाट उजुरी

कुटपिटबाट सानुमायाको शरीरमा लागेको चोट
सानुमाया गत माघ महिनामा सुखसयलयुक्त जीवनशैलीको घरजम गर्ने सपना साँचेर चीन प्रवेश गरेकी थिइन्। तीन महिनासम्म अमानवीय यातना, दुर्व्यवहार र शारीरिक शोषण व्यहोरेपछि उनले नेपाल फर्किने सोच बनाइन्। एकजना नेपाली साथीको सुझावमा उनले म्यासेज तथा फोन एप वीच्याटबाट यातना र दुर्व्यवहारबारे बोइजिङ स्थित दूतावासलाई सूचना दिइन्। कुटपिटपछि शरीरमा लागेका घाउचोट देखिनेगरी खिचिएका सेल्फी फोटो पनि उनले दूतावासलाई पठाइन्। (हेर्नोस् माथिको फोटो)
उनले अाफूमाथि चिनिया पति, ससुरा तथा परिवारका अन्य पुरुष सदस्यले दैनिक पालैपाले यौन शोषण गर्ने गरेको तथा अमावनीय शारीरिक यातना दिने गरेको दूतावासमा जनाइन्। बेइजिङ स्थित नेपाली दूतावासका अनुसार उनको उजुरी जुनको अन्त्यमा परेको थियो। नेपाली दूतावास कर्मचारी उत्तम घिमिरेकाअनुसार सोही उजुरीका आधारमा दूतावासले चीनको स्यान्डोङ प्रदेश स्थित विदेश मामिला कार्यालयलाई पत्राचार गर्दै उनलाई उद्धार गर्न कुटनीतिक पहल सुरु गर्‍यो।
स्थानीय प्रहरी र घिमिरे नेतृत्वको नेपाली दूतावास टोलीले पीडित नेपाली युवती यान चेन कन्ट्रीमा रहेको निश्चित गरेको थियो। युवती रहेको स्थान ग्रामीण भेग भएका कारण उद्धारकर्ता प्रहरी र दूतावास टोलीलाई त्यहाँसम्म पुग्न घन्टौं लागेको थियो।
'हामी त्यहाँ पुग्दा चिनियाँ पति तथा परिवार सदस्यहरु नेपाल स्थित परराष्ट्र मन्त्रालय, चिनियाँ दूतावास र भक्तपुर जिल्ला प्रशासन कार्यालयको विवाह दर्ता प्रमाणपत्र लिएर तयार भएर बसेका रहेछन्', घिमिरेले नागरिकन्युजसँग भने। कानुनी कागजपत्र देखाएर प्रहरी र कुटनीतिक अधिकारी सामुन्ने उनीहरुले सुरुमा सानुमायालाई फिर्ता गर्न अस्वीकार गरेका थिए। कानुन व्यवसायीसँग समेत परामर्श गरेका थिए। अन्ततः उनीहरुले लगानी गरेको पैसा फिर्ता गर्ने सर्तमा सानुमायालाई हस्तान्तरण गर्न चिनियाँ परिवार बाध्य भयो।
सानुमायाले नर्कबाट उद्धार पाइन्।
एजेन्टलाइ ५ हजार डलर तिरेका छौं: चिनियाँ पति
'विवाह अघि र पछि हामीले स्थानीय एजेन्टलाई ५ हजार अमेरिकी डलर तिरेका छौं। केटीलाई ४० हजार आरएमबी बुझाएका छौंं', चिनियाँ प्रशासन समक्ष सानुमायाका चिनियाँ पतिले बयान दिएका छन्। युवतीलाई दिन भनेर नेपाली एजेन्टले पैसा असुलेको पुष्टि भएको छ। चिनियाँ प्रशासनले एजेन्ट पक्राउ गरेपछि पैसा फिर्ता गर्ने सर्तमा युवतीलाई छाडेको हो।

बेइजिङ स्थित नेपाली दूतावासमा अहिले उद्धारका लागि युवतीले पठाएका उजुरीको चाङ लागेको छ। 'हामी नक्कली विवाह गरी नेपाली युवतीलाई बन्दक बनाएका घटनामा कुटनीतिक पहल गरी उद्धार गर्न तयार छौं', चीनका लागि नेपाली राजदूत महेश मास्केले नागरिकन्युजसँग भने, 'हामीसँग उनीहरुको रहेको स्थानबारे विस्तृत जानकारी नहुँदा अप्ठ्यारो भइरहेको छ।'

विवाहको नाटक रचेर सरकारी कार्यालयमा विवाह दर्तागरी चीन पुगेका युवतीले उद्धारका लागि सहयोगको आश गरिरहेको बारे नेपाल प्रहरी जानकार छ। 'चीन पु¥याइएका नेपाली युवतीले उद्धारका लागि सहयोग खोजिरहेको जानकारीमा आएको छ', केन्द्रीय अनुसन्धान ब्युरोका डिआईजी हेमन्त मल्ल भन्छन्, 'त्यहाँ उनीहरुको विस्तृत परिचय अभावले काम गर्न गाह्रो भइरहेको छ। कोसिस जारी छ।'

फागुनको पहिलो साता नागरिक दैनिकले नक्कली विहेको प्रपञ्च गरी नेपाली युवती चीन गइरहेको खुलासा गरेको थियो। प्रहरीको सिआइबीले त्यसपछि यस विषयमा गम्भीरतापूर्वक अनुसन्धान सुरु गरेको थियो।
 स्रोत: नागरिक न्युज

१९ साउन, काठमाडौ ।
अमेरिका जान प्रयासरतलाई नेपालस्थित अमेरिकी दूतावासको कर्मचारी बनेर ठगी गरेको आरोपमा केदार खड्का पक्राउ परेका छन्। उनी काठमाडौंस्थित अमेरिकी दूतावासको कर्मचारी भएको भन्दै ४ वर्षदेखि ठगीमा सक्रिय रहेको प्रहरीको केन्द्रीय अनुसन्धान ब्युरोले जानकारी दिएको छ।
ब्युरोका अनुसार सिन्धुपाल्चोक ज्यामिरे–१ का उनी कागेश्वरी मनहरा नगरपालिका–७ मा बस्दै आएका थिए। ब्युरोको टोलीले उनलाई निवासबाट नियन्त्रणमा लिँदा अमेरिकी भिसाको प्रक्रियाका लागि आवश्यक भनी विभिन्न व्यक्तिबाट संकलित राहदानी, पासपोर्ट साइजका तस्बिर, दीपक कार्कीको नाममा बनाएको अमेरिकी दूतावासको नक्कली कर्मचारी परिचय पत्रलगायत कागजपत्र फेला पारेको छ।
ब्युरोका अनुसार फिल्म निर्माण प्राविधिकका रुपमा कार्यरत खड्काले ठगीका लागि दीपक कार्कीको नाममा अमेरिकी दूतावासको नक्कली परिचय पत्र बनाएका थिए। उनले फोनबाट मिसकल दिएर अपरिचित व्यक्तिसँग परिचय गरी ठगीको जालो विस्तार गर्दै आएका थिए।source:npheadlines

काठमाडाैं– विभिन्न दलित अधिकारसँग सम्बन्धित सङ्घसंस्था तथा राजनीतिक दलआबद्ध समुदायले अधिकार प्राप्तिका लागि सम्पूर्ण सभासद्लाई साेमबार 'प्रेमपत्र' पठाएका छन्।
साठी लाख दलित समुदायका तर्फबाट सभाध्यक्ष तथा सबै सभासद्लाई स्नेह र प्रेमका साथ दलितमैत्री संविधान जारी गर्न मागसहित 'प्रेमपत्र' पठाइएकाे छ। दलित अधिकार सङ्घर्ष समितिको संयोजनमा गोश्वारा हुलाकमार्फत पठाइएको 'प्रेमपत्र'मा केन्द्र सभामा तीन प्रतिशत, प्रदेशमा पाँच प्रतिशत र स्थानीय तहमा १० प्रतिशत दलितको प्रतिनिधित्व सुनिश्चित गर्नुपर्ने, न्याय सेवा, संवैधानिक निकाय एवम् कूटनीतिक नियोगमा सो समुदायलाई अनिवार्य सहभागी गराउनुपर्नेलगायत माग गरिएको छ।

समितिका संयोजक तथा पूर्वसभासद् विनोद पहाडीले अन्तरिम संविधानले सो समुदायका सुनिश्चित गरेका कतिपय अधिकार अहिलेको मस्यौदामा कटौती गरिएको जनाउँदै त्यसलाई सच्याउन आग्रह गरे। दलित अधिकारकर्मी सरु सुनारले राज्यका हरेक निकायमा सो समुदायको समानुपातिक प्रतिनिधित्वको सुनिश्चितता संविधानमा नै गर्नुपर्ने बताए। source nagariknews

गुल्मी, साउन १७ – हेर्दा मान्छे एकदमै भद्र, शिष्ट र मृदभाषी । प्राय जसो टिलिक्क टल्किएको जुत्ता लगाउने । प्राय आईरन नलगाएको कपडा नलगाउने । चिटिक्क पारेर सधैँ ढाका टोपी लगाउँदा एउटा ठुलै भलाद्मी जस्तो देखिने । हो, लवाई–खुवाई, शिष्टता, सभ्यता र उनको देखालो अनुशासनले ‘लालमणी’ सदरमुकाम तम्घासमा एउटा अशल मान्छेका रुपमा परिचित नाम हो । तर, उनको भित्रि कर्तुत एक नम्बर चोरका रुपमा विहिवार मात्रै यहाँको प्रहरीले बाहिर ल्यायो । नेपाल आँखा उपचार केन्द्र गुल्मी शाखाका कर्मचारी हुन् लालमणी ।
अभियोगी लालमणीको कोठाबाट प्रहरीले पक्राउ गरेको सामानहरु यस्ता छन् ।

उनलाई सबैले लालमणीका नामले चिने पनि उनको वास्तविक नाम लालबहादुर खत्री भएको र उनको ठेगना गुल्मीकै पुर्कोटदह–३ भएको जिल्ला प्रहरी कार्यालयले जनाएको छ । उनको उमेर अन्दाजी ३० वर्षको छ । मासिक २० हजार तलब खाने बताइएका ‘लालमणी’ त्यस आँखा शिविरमा आयोजित विभिन्न कार्यक्रममा आउने विशिष्ट व्यक्तिहरुको स्वागत–सत्कारमासमेत आयोजकका ठुलाबडाहरुले फुरुक्क पारेर अगाडि सार्ने व्यक्ति पनि हुन् ।

जिल्ला प्रहरी कार्यालयका अनुसन्धान अधिकृत प्रहरी निरीक्षक रामप्रसाद पौड्याल भन्छन्– ‘के गर्ने मान्छे त हामीले पनि नमस्कार गर्नुपर्ने खालको हो तर हेर्नुस् त, त्यस्तो मान्छेले महिलाको विस्तरादेखि ब्रासमेत चोरेको स्वीकार ¥यो ।’ ‘हो मैले ती सामानहरु चोरी गरेको हुँ, रक्सी खाएको बेलामा केही थाहा नपाउने खत्रीले बताएको’– प्रहरी निरीक्षक पौड्यालले भने । प्रहरीले लालमणीको कोठामा बरामद गरेका समानहरुमध्ये पुरुषका दामी–दामी जुत्ताहरु पनि छन् । महिलाहरुले लगाउने टि–शर्ट, मोजा, झ्यालको पर्दा, तन्ना, वाल्टिन, जग, कुर्ची, सिलेण्डरलगायतका भाँडा–कुँडा र कपडाहरु छन् । प्रहरी निरीक्षक पौड्यालले लालमणीलाई हिजो तम्घासस्थित निजकै कोठाबाट चोरी गरेका ती सामानहरुसहित पक्राउ गरेको जानकारी दिए ।

उनलाई चिन्नेहरु भन्छन्– ‘लालमणी जस्तो मान्छेले चोरे होला भनेर त कल्पनासमेत गर्न सकिदैँन तर के गर्ने कतिपय चोर मान्छे साधु बनेर हिँड्दा रहेछन् । ’ प्रहरीकाअनुसार उनका कोठामा कुनै महिलाहरु बस्दैनन् । उनी विवाहित हुन् तर, साथमा श्रीमती छैनन् । तम्घासमा एक महिलासँग लागेको आरोपमा उनकी जेठी श्रीमतीले केही वर्षअघि प्रहरीमा उजुरी गरेपछि सँगै राखेर पालन–पोषण गर्ने सर्तमा मिलाइएको थियो । अहिले ती जेठी श्रीमती पनि कहाँ छन भन्ने थाहा नभएको बताइएको छ । पुरुषका कपडा र अन्य भाँडा–कुँडा त आफ्नै प्रयोगमा पनि आउने भएकोले चोरे होलान् उनले तर महिलाको ब्रासमेत किन चोरे त ? यस सवालमा एक जनाले व्याङ्ग गर्दै भने– ‘उनले कुनै महिलाको ब्रा चोरेर कोठामा राख्नु भनेको सायद जीवन संगिनीको अभावमा उनीप्रतिको मृगतृष्णा र सम्झना मेटाउन होला ।’source taja khabar

सर्लाही निबासी सरस्वती लामाको पासपोर्ट (बेल्जियमको भिसा )
सहित आज काठमाडौँमा फेला पारेको हुदा निज लाई चिन्नु हुने जो कोहि ले यो खबर उहाँ सम्म गरिदिनु हुन अनुरोध छ | पासपोर्टको लागि 9841509857 मा फोन गर्न सक्नु हुनेछ |
नाम: सरस्वती लामा
पासपोर्ट नम्बर: 05846157
ठेगाना: लालबन्दी-१, सर्लाही, नेपाल
भाईको नाम : दिल बहादुर लामा

करिब ४० बर्ष अघि बलिउडमा निर्मित शोले फिल्मको डाइलग जल्दी सो जा नहीं तो गब्बर सिं आ जाएगा भनेर अमजद खानकै मानव प्राकृत स्वरुप र भीमकाय डरावना डायलग सम्झिएर तर्सिने दक्षिण एसियाली मुलका भारतीय र नेपाली मानसिकतामा अल्लाह र भगवान प्रति जति आस्था र विश्वाश छ, त्यतिकै कमजोर मानसिकता भएका अर्थात् हल्का छायाँ भएका हामी केहि नेपालीहरुमा भूतप्रेत हुन्छ भन्ने कुरामा त्यत्तिकै अदृश्य शक्ति माथि विश्वाश पनि छ ।
यहि क्याम्प हो जहा म लगायत करिब एक सय ८० जना नेपाली हरु रहन्छन र हरेक रात सन्त्रासमय निन्द्रामा रात काट्ने गर्छन
उसो त विश्वका सुप्रसिद्ध चलचित्र निर्माण नगरी हलिउड बलिउडले पनि भुतप्रेत र भट्किएको मृत आत्माको बारेमा दजनौं चलचित्र बनाएर दर्शकहरुबाट अरबौं डलर असुलेर अदृश्य , अज्ञात भूतको कथा बेची करोडपति भएका छन् । यदि यस्ता अदृश्य शक्ति सबै झुटा हुन् भने मानव मनोबल कमजोर बनाउने यस्ता चलचित्र, थ्रिलर उपन्यास निर्माण तथा प्रकाशनमा प्रतिबन्ध लगाईनुपर्छ । यस्ता उडन्ते कुराले मानसिकतामा नराम्रो असर पुर्याउँदछ । जसको मानसिक तथा मनोबिज्ञान कुप्रभावले कैयौंले आजीवन आवाज गुमाएको, पागल भएको र तर्सिएर सातो गएर तत्काल मृत्युवरण गर्न पुगेको सत्य घटनाहरु पनि छापामा आउने गरेका छन् ।
भूतप्रेत सम्बन्धी किंबदन्ती नेपालमा मात्र नभै हरेक देशमा भन्ने, सुनाउने, सुन्ने गरिन्छ र त्यहि भने, सुनेका कुराहरु प्रागकाल देखि अहिले सम्म पनि पुस्तान्तरण हुँदै गाउँघर मेलापात तथा गोठालो, बनजंगल चाहार्न जाँदा भन्दै गरिदै आईरहेको छ । अर्थात् भूतप्रेतको बारेमा वाचित कथा किंबदन्तीको रुपमा एउटाको मुखबाट अर्कोको मुखमा र अर्कोको मुखबाट अझ अर्कोको मुख र जनजिब्रोमा स्थानान्तरण हुँदै आईरहेको छ । यस्ता भूतप्रेतका कथा गाउँघरतिर साँझ पख खोल्मा, पिंढी तथा धन्सारमा बसेर मकै नंग्याउने अवस्थामा, समूहमा रहेर गरिने अन्य कामको अवसरमा भन्ने आमप्रचलन थियो । यस्तै भूतप्रेतको राग उराल्ने क्रममा अझ कसैकसैले त मेरो हजुरबाले त भूत संग लाप्पा खेलेर भूतलाई पछारेको, हिलोमा गाडिदिएको, वा बाउ बाजेको यस्तै पुरुषार्थ जडित कथा उरालेर बाउ बाजेले भूतलाई हराएर देखाएको बहादुरीताको दन्त्य कथा सुुनएर अलमलमा पार्ने प्रचलन औधि नै हुन्थ्यो ।
म स्वयं पनि वल्ला घर पल्ला घरमा गएर साँझ हुँदो मेरै समकालिन र आफु भन्दा साना साना भाईबहिनीहरुलाई भूतको काल्पनिक कथा सुनाइसकेर उनीहरुको मानसिकतामा डर र भ्रम भरिसकेपछि उनीहरुमा सिर्जित आतंकित चेहेरा हेर्दै आफुले कथा माध्यमबाट उनीहरुको मानसिकतामा प्रभाव जमाउन सकेकोमा ठूलो जितको महसुस गर्थें र त्यस पछि घर जाने क्रममा आफुले सुनाएको भूतको कथाबाट आफैं तर्सिएर खुट्टाको चप्पल हातमा घुसारेर पछाडि नफर्कीकन सास प्रश्वाश नै बन्द गरेर एकै पटक घर पुगेपछि मात्र लामो श्वाश तानेर भूतबाट बचेर घर आउन सफल भएकोमा आफैं दंग पर्थें भने घर आउन सफल भैसकेपछि छ्या बेक्कारमा डराएर भागेछु । नदौडिकन विस्तारी घर आएको भएपनि मलाई भूतले के पो विगार्न सक्थ्यो र भनेर अलिकति मक्किएको साहस जागेर आउने गरेको त्यस्ता आफ्नै अनुभव पनि थुप्रै छन् ।
अब प्रकारान्तारमा नै जाउँ । म कार्यरत कम्पनीको क्याम्प दोहा सहर देखि करिब ४० किलोमिटर पश्चिमोत्तर ठाउँ अबु नख्ला भन्ने स्थानमा रहेको छ । कम्पनीमा कार्यरत नेपाली, सुडानी, भारतीय मूलका सबै कर्मचारी कामदारहरुलाई यस क्याम्पमा सारिनु अघि अरु नै कम्पनीका कामदारहरु यसमा बस्दै आएका थिए र अन्यहरुको भनाई अनुसार यस्तै अदृश्य आतंकको कारण उनीहरुले क्याम्प नै छोडेर अन्यत्र गएको बताउँछन् ।
यस्तो थियो अदृश्य शक्तिबाट आतंकितहरुको अनुभव
पहिलो पटक म लगायत एउटै बिल्डिंगमा फरक फरक कोठामा बस्ने झापा गौरीगञ्जका संजय महतोलाई बत्ती निभाएर सुतेको आधा तन्द्राको बेलामा नै दुई पटक मच्चाएर गालमा पिटेको बताए । घटना घटे लगत्तै कुनै साथीले जिस्किएर पिटेको होला भनेर छेउमा भएको बत्ती बालेर हेर्दा सबै साथीहरु घुरेर सुतीरहेको देखेपछि अँध्यारोमा आएर गालमा हिर्काउने को हो त भनेर ढोकाको छेस्कनी खोलेर बाहिर नियाल्दा निष्पट्ट चुक घोप्ट्याएको जस्तो अन्धकारमा उनले केहि र कोहि पनि देखेनन् । एकटंकार संग कुकुर भुकेको आवाज मात्र आएको सुनेपछि डराउँदै फेरि कोठामा पसेर साथीहरुलाई घटनाको बारेमा बताए । साथीहरुले तेरो मनको भूतले नै तँलाई तर्साएको हो, सपनामा भूत देखेर त्यसो भएको हुन सक्ने बताएपछि सञ्जय महतो सुतेको बताए ।
त्यसको केहि दिन पछि भुईंतलामा बस्ने काठमाण्डौं थानकोटका विजय कार्कीलाई पनि आघा तन्द्राको अवस्थामा एक्कासी घाँटी थिच्न थालेपछि उनी चिच्याएर उठेको बताउँछन् उनी संगै कोठामा सुत्ने वर्दियाका राजेन्द्र आचार्य । त्यो घटनालाई पनि सबैले सपनामा ऐंठन गरेको मात्र हो । यस्तो कुनै भूतप्रेत होइन भनेर केहि समय भूतकै कथा एक अर्काले एक अर्कालाई सुनाएर सुते ।
सोहि कम्पनीमा कार्यरत बाँकेका राजेन्द्र आचार्य भन्छन , मलाइ पनि घांटी समाउन आयो !
पुनः त्यहि कोठामा सुत्ने बर्दियाका तिनै राजेन्द्र आचार्यलाई त्यसै गरी एक्कासी सास नै फेर्न नमिल्ने गरी घाँटी थिच्न थालेको र आचार्यले आफ्नो दुई हातको जोडले त्यस अदृश्य शक्तिको कंकाल हात आफ्नो घाँटी बाट छुटाएको बताउछन । सबैलाई उठाएर काठमाण्डौ थानकोटका विजय कार्की संग मिल्दोजुल्दो उस्तै प्रकृतिको घटना सुनाए ।
त्यो घटना घटेको ५,६ दिनको अन्तरालमा सोही कोठमा सुत्ने सुनसरीका अरशाद मियाँलाई पनि मध्यरातकै समयमा स्पष्ट छायाँ आफ्नो शरीर तिर बढ्दै आएको र कम्मर भन्दा मुनिको भाग अदृश्य शक्तिको छायाँले ढाकेजति चलाउन नमिलेपछि कम्मर भन्दा माथिको भाग र हात जोडले चिच्याउँदै चलाए । उक्त छायाँ कम्मर भन्दा मुनि बाट कम्मर देखि माथिल्लो भाग तिर सरेर गएपछि उनले न त हात चलाउन सके, न त पहिले झैं कराउन नै । छायाँबाट छुटेको कम्मर भन्दा मुनिको भाग चल्ने भएकोले उनले बोल्न नसकेपछि लात्ताले हिर्काएर माथि सुत्ने अर्का साथीलाई उठाए । सबै उठेर बत्ती बालेर अरशादलाई बोलाएपछि बल्ल केहि समय पछि उनी बोल्न सकेको उनका रुममा बस्ने अन्य साथीहरुले बताए । त्यो रात अरशादले अल्लाह प्रार्थना गरेर सुतेपछि त्यो रात कोठामा कुनै पनि घटना नभएको बताए ।
सुनसरीका प्रेतात्मा पिडित अर्शाद मिया भन्छन, सुतेको बेलामा मलाइ छायाले छोपेर चल्ने दिएन !
श्रृंखलाबद्ध रुपमा यस्ता घटना दोहोरिदै गएपछि क्याम्पमा रहने सबैमा एउटा अज्ञात भय र आतंक फैलिरहेकै बेला झापाकै अर्का दिलिप महतोलाई मध्य रातको १२ बजेको समयमा निदाउन लागेको बेलामा गालामा दुई थप्पड जोडले हिर्काएको कथा सबैलाई उठाएर बताउँदै रातभरि डरले जाग्राम नै रहेर बिताएको अनुभव सुनाउन आईपुगे ।
दिलिप महतो सुत्ने सोही कोठाका झापा गौरीगञ्जका श्रवण महतो भने अदृश्य शक्ति भनिएको ( भूत ?) साक्षात रुपमा नै आफुले देखेको र छातिको आधा भाग भन्दा मांसपिण्ड सहितको मानव आकृति र छातिको आधा भाग भन्दा मुनि कंकाल मात्र रहेको हड्डी मात्र भएको हातले श्रवणको घाँटी थिच्न थालेपछि आफुले पनि दुवै हातले आफ्नो घाँटीमा भएको उसको कंकाल हात छुटाएर उनी संग बेडमा नै बसेर रस्साकस्सी भएको बताए ।
यहि बेडमा सुतेका थिए तस्वीरमा देखिएका श्रवण महतो जहाँ उनि कंकाल संग कुस्ती खेलेको बताउछन !
भर्खरै मात्र निदाएका चितवन भक्तिनी बगैंचाका रुपचन्द महतोले एकले अर्कोलाई हिर्काएको आवाज आएपछि कसैले राति रक्सी खाएर आएर आफ्नो रुम पार्टनरलाई पिट्न थाल्यो भनेर बेडको माथि सुतेका रुपचन्द माथि बाट हाम्फालेर ढोका छेउमा भएको बत्ती बालेर हेर्दा तस्वीरमा देखाएको अवस्थामा श्रवणलाई छाती भित्र बाट निस्किएको घ्यार घ्यार आवाज संगै बेडमा चढ्ने सिंढी भित्र पसेको टाउको उनी जोडले बाहिर निकाल्न खोजे जस्तो मुद्रामा बल गरिरहेका थिए भने अदृश्य शक्तिले चाहिँ उनको घाँटीमा समातेर फलामे डण्डीको प्वालबाट बाहिर तान्न बल प्रयोग गरेको अवस्थामा डोरी तान्ने खेलमा मान्छे अघि पछि भएजस्तो दृश्य देख्न पुगे । श्रवणलाई झक्झक्याएर के भयो भनेर रुपचन्दले सोध्दा यहि डण्डी बाट दुवै हात छिराएर उसले आफ्नो टाउको बाहिर तान्न थालेको र आफु चाहिँ बल गरेर उसबाट छुट्कारा पाउन खोजेको बताए ।
मलाई कंकालले यहि डण्डीको बीच बाट हात घुसारेर अन्तिम समयमा तानीरहेको थियो भनेर देखाउदै श्रवण महतो !
उनको छातिभरि कोपरेको चिथोरेको धर्सा, डाम र रगतले गञ्जीको केहि भाग भिजेको र कार्पेटमा पनि रगत चुहिएको टाटाहरु स्पष्ट थियो । सो घटना घटेको केहि मिनेटमा नै जानकारी पाएर माथिल्लो तल्लामा जाँदा श्रवण महतो कुनै २ सय मिटर दौड प्रतियोगितामा दौडिएर भर्खरै आए जस्तो गरी सुसाईरहेका थिए । छातिभरि चिथोरिएको घाउ देखाउँदै उनले भने हड्डी नै हड्डी मात्र भएको पञ्जाले कोपरेर मेरो यो हालत बनाईदियो । उनी आत्तिदै र काम्दै सबै सामु बताए ।
टि शर्ट र कार्पेट माथिको पेपर माथि देखिएको श्रवणको शरीर बाट निस्किएको रगतको टाटा !
मार्च १९ को राति श्रवणमाथि त्यो घटना घटेको भोलिपल्टै शुक्रवार २० तारिख खोटाङका मणिराज राई माथि पनि राति ११.४५ बजे सुतेको अवस्थामा घाँटी अठ्याउन थालेपछि चिच्याउँदै त्यस अदृश्य शक्तिको कपाल समातेर आफु त्यसबाट छुट्कारा पाएको कुरा बताए ।
त्यो घटनाले त्यहाँ रहने सबै संत्रासमय भएपछि पंक्तिकार क्याम्प वाला मालिकले तलवदारको रुपमा क्याम्पको रेखदेख गर्न राखेको भारत राजस्थानका नाथुरको रुपमा काम गर्दै आएको किशोर मेहरलाई भेटेर केहि जानकारी लिन पुगेको थियो । सो क्याम्पको ५० मिटर पश्चिममा रहेको अर्को क्याम्पमा एक बर्ष अघि एक फिलिपिनो नागरिक कामको सिलसिलामा छाना माथि बाट खसेर घटनास्थलमा नै मरेको र त्यसको केहि समय पछि त्यहाँ तैनाथ नाथुरलाई हरेक साँझ घाँटी थिच्न आउने र कहिले पिट्ने गरेपछि सो क्याम्पका नाथुर किशोर मेहरको रुममा आफ्नो क्याम्प छोडेर सुत्न आएको अनुभव बताए । पहिले पहिले पनि यस्तो घटना यदाकदा भैरहेको क्याम्पमा रहने अरुले बताएपनि त्यसलाई आफुले त्यति वास्ता नगरेको बताउने किशोरले थप भने, यहाँ एउटा महिला र एउटा छोरा मान्छेको आक्रृतिमा आउने भुतले क्याम्पमा सुत्ने बंगाली तथा अन्य देशका नागरिकलाई पनि त्यसै गरी दुख दिएको र उनीहरु त्यहि कारणले क्याम्प छोडेर गएको हुन सक्ने बताए । फिलिपिनो नागरिक मरेको क्याम्पमा यो स्टोरी तयार गर्दै गर्दाको करिब २० दिन अघि मात्र अर्का एक नेपाली पनि सुतेकै अवस्थामा मरेपछि अहिले कतै त्यहि आत्मा भट्किएर यति दुख दिएको त होइन ? उनी प्रतिप्रश्न गर्छन् ।
विकासको चरम गतिमा दौडिएको कतारमा यस्ता भूत जसलाई जिन्ह पनि भनिन्छ, सो जिन्ह हुन्छ भन्ने कुरामा उनीहरु प्नि त्यतिकै विश्वाश राख्दछन् । यहाँ त्यस्ता कैयौं घरमा जिन्हले मानिसलाई दुख दिने गरेकोले यहाँका त्यस्ता घर मालिक कतारीहरुले सो घरलाई भूत बंगलाको रुपमा नै रहन दिई अन्यत्र सरेका बारेमा पनि थुप्रै सुन्नमा आउँछ र त्यस्ता भूत बंगला घरहरु पनि देख्न पाईन्छ ।
विज्ञानले प्रमाणित गर्न नसकेको यस्ता भूतप्रेतको बारेमा हरेक देशमा भूत हुन्छन् भन्ने संन्दिग्ध आस्था बोक्नेहरुको कमी भने छैन । आफैं बसेको क्याम्पमा नेपाली दाजुभाईहरु माथि भएको यस्ता घटना प्रकृति र चोटपटक प्रत्यक्ष देखे पनि आफुले अहिले सम्म भूत देख्न सौभाग्य नपाएको हुनाले एउटा पुनः अहिले सम्म बिज्ञानले प्रमाणित गर्न नसकेको सुल्झीन नसकेको रहस्यको बारेमा पंक्तिकार पनि अन्यौलमा नै रहेको छ । साँच्चै के भूत, प्रेतात्मा, जिन्ह हुन्छन् त ? भूतकै प्रसंगमा लेख्दै गर्दा आफुले नदेखेको भूतको संवाद यहाँ टाँस्न मन लाग्यो ।
दुवै भूतहरु फुर्सदमा बसेर तर्क वितर्क गर्ने क्रममा अर्को भूतलाई सोधेछ ।
भूत कः के साँच्ची नै मान्छे भन्ने चीज यो पृथ्वीमा हुन्छ होला त यार ?
भूत खः धत्, यस्तो नचाहिने कुरो पनि गर्ने ? मान्छे सान्छे भन्ने कुनै पनि प्राणी हुँदैन क्या । त्यो त हाम्रो भ्रम मात्र हो । हामीलाई डराउनलाई त्यतिकै मान्छे भन्ने प्राणी पनि हुन्छन् भनेर हाम्रा जीजुबाजे भूतहरुले कुरा बनाएका मात्र हुन् । sosurce:bishwokhabar

नायिका नम्रता श्रेष्ठले आफूलाई सूचना तथा सञ्चार मन्त्री डा मिनेन्द्र रिजालले यौन प्रश्ताव नराखेको प्रष्ट पारेकी छिन् । मंगलबार राष्ट्रपति भवनमा आयोजना भएको राष्ट्रिय चलचित्र पुरस्कारको बिषयलाई लिएर केही अनलाइनमा आएको समाचारको खण्डन गर्दै उनले मन्त्रीले यौन प्रश्ताव नराखेको बताइन्
। केही अनलाइनले मन्त्री रिजालको यौन प्रस्ताब नमान्दा नम्रताको राष्ट्रिय अवार्ड खोसियो शिर्षकमा समाचार प्रकाशन भएको थियो । चलचित्र क्षेत्रमा महत्वको मानिने यो अवार्डलाई हरेक कलाकारको पाउने आशा राखेका हुन्छन् । त्यसो त छनौट समितिकी सदस्य समेत रहेकी करिश्मा मान्धर पनि सो अवार्डबारे असन्तुष्ट छिन् । हुनपनि अवार्ड छनौटका लागि सुरुमा नायिका नम्रता श्रेष्ठको नाम चयन गरिएको, त्यसमा हस्ताक्षर गरिसकेको र अन्त्यमा उनको नाम काटेर मन्त्री रिजालले ऋचा शर्माको नाम राख्न लगाएको खुलासा भइसकेको छ । यसबारे मानन्धरसंग प्रतिक्रिया लिन उनीसंग सम्पर्कको प्रयास गर्दा सम्पर्क हुन सकेन भने नायिका श्रेष्ठले समाचारमा सत्यता नभएको बताइन् । उनले भनिन् ‘समाचार आफुले पनि पढेको र समाचारको शीर्षक जस्तो भित्र समाचारमा केही छैन ।’ अवार्डको बेला आफू छायाँङ्कन व्यस्त रहेको उनले बताइन् । उनले भनिन् ‘समाचारमा भने जस्तो मन्त्रीजीले मलाई केहि प्रस्ताब गर्नु भएको छैन् । उहाँसग मेरो खासै नजिकको चिनजान पनि छैन् । खै कसरी यस्तो हावा कुराहरु आउँछ मलाई थाहा छैन ।’ उनले दोहो¥याइन,‘आवार्ड हो, कहिले कोले पाउछ कहिले कोले । मलाई अवार्डमा बोलाईएको थियो । म अवार्डमा गए पनि अरु कुरा मलाई थाहा भएन् । ’ उता राष्ट्रिय चलचित्र पुरस्काबाट पुरस्कृत भएकी नायिका ऋचा शर्माले भने ‘आफु यो बिषयमा केही बोल्न नचाहेको’ बताइन् । ‘अवार्ड हो, यो बर्ष मैले पाँए, अर्को वर्ष अरुले पाउन सक्छ । अरुकुरा त मलाई केही थाहा भएन, तर सम्पूर्ण जुरीलाई धन्वाद ।’ संचार मन्त्री रिजालले भने यो विषय आफूले भन्ने विषय नरहेको बताए । ‘यो बिषयमा मैले केही भन्ने कुरा छैन, नम्रताजी सँग सोध्नु ।’ उनले भने, ‘कस कसले झूठ समाचार लेख्छ, कति जनालाई प्रतिकृया दिँदै हिँड्नु ?source .onlinechautari.com

पड्केर सिरहा नगरपालिकामा गएराति एक महिलाको मृत्यु भएको छ ।
खाना पकाउने क्रममा अचानक ग्यास सिलिन्डर पड्केर शरीरमा आगो लाग्दा सिरहा नगरपालिका–७ माड्र निवासी पप्पु मुखियाको २० वर्षीया श्रीमती बबिता मुखियाको मृत्यु भएको हो ।
गम्भीर घाइते भएकी बबिताको विराटनगरस्थित न्युरो अस्पतालमा उपचार हुन नसकेपछि थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठा लैजाँदै गर्दा बाटोमै मृत्यु भएको जिल्ला प्रहरी कार्यालय सिरहाका प्रहरी नायब उपरीक्षक माधव बुढाथोकीले जानकारी दिनुभयो ।
मृतकको शव परीक्षण पश्चात अन्तिम संस्कारका लागि परिवारजनको जिम्मा लगाएको छ ।source taja khabar

काठमाडौं, १८ साउन । पूर्वराज परिवार राजतन्त्र पुनर्स्थापनाको दौडधुपमा लागिरहेको र पारससँग हिमचिम बढाउँदा अलोकप्रियता बढ्न सक्ने भन्दै पारससँग औपचारिक भेटघाट र सम्बन्ध बाहिर नदेखाइएको भन्दै कान्तिपुर दैनिकमा सीताराम बरालले खबर लेखेका छन् ।
०७१ साउन पहिलो साता
थाइल्यान्डको सुखुम्भितस्थित डेभिस होटलबाट पक्राउ (२६ असार ०७१) परी छुटेलगत्तै नेपाल फर्कन खोजे पनि प्रेमिका कन्निका चाइसनसँगै आउन लागेको भन्दै निर्मल निवासमा प्रवेश नदिने सन्देश साउन पहिलो साता प्रवाह । त्यसपछि पारस उतै रहे ।
२९ माघ– ६ फागुन ०७१
जेलमा रहेका पारसप्रति चासो नदेखाएको भन्दै निर्मल निवास र पत्नी हिमानीको आलोचना हुन थालेपछि २९ माघमा हिमानी पारसलाई भेट्न थाइल्यान्डतर्फ । एक सातापछि ६ फागुनमा काठमाडौँ फर्के पनि उनी पारसलाई नभेटी फर्केको आशंका ।

२६ फागुन ०७१
२३ फागुनमा गाँजासहित पक्राउ परेका पारसलाई नोङ्खाई प्रान्तीय अदालतद्वारा ४५ लाख जमानत दिने सर्तमा धरौटीमा रिहा गर्न आदेश । तर, निर्मल निवासद्वारा धरौटी रकम नपठाइदिँदा थप तीन साता जेलमा । जसका कारण १५ चैतमा तय गरिएको भान्जा पार्थव सिंहको व्रतबन्धमा सहभागी हुन सकेनन् ।
१९ चैत ०७१
चार वर्ष लामो थाइल्यान्ड बसाइपछि काठमाडौँ फिर्ता । तर, निर्मल निवासमा प्रवेश नदिइने भएपछि धुम्बाराहीस्थित कुण्डलिनी क्लबमा बसोवास । १२ वैशाखको भूकम्पपछि छाउनीस्थित बिजयावासमा र त्यसपछि हालसम्म जीवनकुञ्जमा ।
२७ चैत ०७१
छोरा पारसलाई नभेटी पूर्वराजारानी ज्ञानेन्द्र र कोमल छोरी, नातिनातिनाका साथ दिल्ली प्रस्थान । त्यसअगावै हिमानी पनि पारसलाई नभेटी २१ चैतमै नयाँदिल्ली प्रस्थान । यद्यपि, १२ वैशाखको भूकम्पका कारण निर्धारित समयअगावै २ जेठ ०७२ मा पूर्वराजपरिवार काठमाडौँ फिर्ता ।
१०–१३ साउन ०७२
मुटुसम्बन्धी रोगका कारण नर्भिक अस्पतालमा भर्ना भएका पारसलाई ११ साउनमा पूर्वराजा ज्ञानेन्द्र, रानी कोमल र पत्नी हिमानीले अस्पतालमै गएर भेटे पनि १३ साउनमा डिस्चार्ज भएपछि पारस निर्मल निवास गएनन् । अहिले उनको जीवनकुञ्जमा बसोवास छ ।source taja khabar