काठमाडौं । यसवर्ष चलचित्र विकास वोर्ड मार्फत सरकारले वितरण गरेको राष्ट्रिय चलचित्र अवार्डको विवाद अझ

चुलिदै गएको छ । अभिनेत्री तर्फको अवार्ड नम्रता श्रेष्ठलाई दिने जुरी सदस्यहरुको निर्णयलाई उल्टाउँदै सञ्चार मन्त्रीको इच्छा बमोजिम अर्कै अभिनेत्रीलाई दिएको खबर सार्वजनिक भएसँगै यो विवादले थप उचाइ पाएको हो । जुरी सदस्यको निर्णयमा सञ्चार मन्त्री मिनेन्द्र रिजालले ठाडो हस्तक्षेप गरेको जुरी सदस्य करिश्मा मानन्धरको अभिव्यक्तिलाई लिएर समाचार सम्प्रेषण भएको थियो । तर कपि पत्रकारिता गर्ने केही अनलाइनहरुले मन्त्री रिजालले नम्रतासँग सेक्स प्रस्ताव राखेको भन्ने भ्रामक खबर सम्प्रेषण गर्न थालेपछि यो विषयले अर्कै मोड लिएको छ । यस्ता भ्रामक समाचार सम्प्रेषणबाट मन्त्री रिजाललाई केही फरक नपरे पनि अवार्ड खोसिएका नम्रता र अवार्ड पाएकी रिचा शर्मालाई भने मानसिक तनाव भएको छ ।

पुरस्कृत अभिनेत्री रिचामाथि अवार्ड कसरी पाइन् ? भन्नेबारे नै प्रश्न चिन्ह उठेपछि अन्ततः उनी प्रष्टीकरण दिन बाध्य भएकी छिन् । उनले भनेकी छिन्–‘मंगलबार अवार्ड हुँदै थियो । म विदेशमा थिएँ । आईतबार मात्रै म नेपाल आइपुगे । मलाई कुनै प्रकारको निमन्त्रणा पनि आएको थिएन । राष्ट्रिय अवार्डमा ‘टलकजंग भर्सेस टुल्के’ पनि दिएको छ भन्ने कुरा चाहिं थाहा थियो । सोमबार बेलुका मात्रै मलाई फोन आयो विकास वोर्डबाट ‘तपाई उत्कृष्ट दुई नोमिनेशनमा पर्नु भएको छ’ भनेर । यो मेरो लागि पनि एकदमै अप्रत्यासित नै थियो ।’ रिचाले यसरी आफुले अवार्ड पाउदैछु भनेर पहिला नै थाहा नभएको जानकारी गराएपनि नायिका नम्रता श्रेष्ठलाई ‘उत्कृष्ट नायिकाको अवार्ड तपाईलाई दिइदै छ’ भनेर कार्यक्रम स्थलमा बोलाइएको विकास वोर्ड स्रोतले बताएको छ । तर यो विवाद यति उचाइमा पुग्दा पनि कसैबाट अधिकारिक जानकारी नआउँदा यी दुई अभिनेत्री मानसिक तनावमा परेकी छिन् । एउटा कुरा चाहिं सत्य के हो भने राष्ट्रिय चलचित्र पुरस्कार स्वीकृत गर्न सूचना तथा सञ्चारमन्त्रीले हस्ताक्षर गर्न अनिवार्य छ । जुरी सदस्य मध्येका एक समीक्षक दीपेन्द्र लामाले यी सबै हल्लाहरु मिथ्या भएको न्यूज २४ लाई बताए । उनी भन्छन्–यसमा केही सत्यता छैन । जुरी सदस्यहरुको निर्णय बमोजिम नै सबै विधामा अवार्ड दिइएको छ । करिश्माको अभिव्यक्तिको वचाउ गर्दै लामाले भने–पाँच जनाको जुरीमा सबैको मत एउटै हुन्छन् भन्ने छैन । उहाँको नजरमा नम्रताले पाइदिए हुन्थ्यो भन्ने भएको होला । तर सबैले दिएको अंक जोड्दा नतिजा फरक आउँनु अस्वभाविक होइन । नागरिक दैनिकका कला सम्पादक समेत रहेका लामाले हल्लाको भरमा सत्यता नकेलाई पित पत्रकारिता नगर्न सुझाव पनि दिए । source taja khabar

नृपेश उप्रेती,१८ साउन । राजेश जी म तपाइँको अभिनयको ठूलो फ्यान हैन किनकि तपाईलाई अभिनय गर्न आउदैन । तर म तपाइको व्यक्तित्व र बौदिकताको ठूलो प्रसंसक थिए ।
म भर्खर पत्रकारितामा लागेको थिए र पहिलो मोशन पिक्चर अवार्ड्मा तपाइँ मात्र यस्तो कलाकार हुनुहुन्थ्यो अङ्ग्रेजीमा भाषण गरेर नेपाली दर्शक र बिदेशी अतिथिका माझ आफ्नो स्टारडम स्थापित गर्न सफल हुनु भएको थियो ।त्यस पछि मैले तपाईं जस्तो बौदिक कलाकारको कारण फिल्म उद्दोगलाइ फाइदा हुन्छ भन्ने कुरा धेरै पटक मिडियामा उजागर गरे तपाईंको अन्तरवार्ताहरु पनि प्रस्तुत गरे । अभिनय भन्दा पनि मिथुन चक्रवर्तीको नेपाली भर्शनको रुपमा तपाईंलाइ दर्शकहरुले यति रुचाएकी तपाईं इतिहासकै सबै भन्दा सफल र चर्चित नेपाली नायक बन्न सफल हुनु भयो । आज एउटा प्रायोजीत न्युजमा तपाईलाई देखे साह्रै दुख लाग्यो । राजेश हमालजी तपाईं पनि नराम्ररी फस्नु भएको रहेछ जस्तो लागेको छ । दिपक डोमको प्रोपोगाण्डामा तपाईं बिक्नु भयो जस्तो लागेको छ? हो दिपकको भन्दा डर लाग्दो छुवाछुतको समस्या हाम्रो समाजमा छ । यसको सिकार धेरै दिपकहरु हुनु परेको छ । यो अपराध हो यस्को अन्त्य हुनु पर्छ । तर जुन रुपमा तपाइले अतिरन्जित गर्नु भयो त्यस्को पनि छुट्टै रहस्य हुन सक्छ जस्तो लागेको छ । २५ बर्षको क्यरियरमा तपाइले छुवाछुत अनुभुत गर्नु भएन भनेर म मान्दिन र तपाईंले छुवाछूतको बिषयमा बनेको कति चलचित्रमा अभिनय पनि गर्नु भएको छ । यो बिषयमा आवाज उठाउनु पर्छ भन्ने कुरा तपाईलाई कहिले सुझेन । आज मुलुक धर्म निरपेक्ष वा धार्मिक स्वतन्त्रता सहितको हिन्दु राज्य हुने भन्ने मुद्दामा अल्झिएको बेला अतिरन्जित ढङ्ले यो कुरा बाहिर ल्याउनु भयो यसलाई प्रायोजित हैन र तपाई पनि प्रयोग हुनु भएन भन्ने कुनै आधार छैन । यहाँ करोडौं खर्चेर धर्म निरपेक्षता लादिदैछ । अर्को अर्थमा भन्नू पर्दा इसाई करणलाइ कानुनिकरण गरिने प्रयास हुदैछ । लोभ, लालच प्रलोभनमा । नेता देखि सेलेब्रीटी र समाजमा प्रभाव भएका तपाईं जस्ता ब्यक्तित्वहरुलाइ आर्थिक मोहमा फसाएर यसको लागि क्यम्पेनिङ गरिदै छ । त्यसैले तपाइँ पनि त्यसैमा बिक्नु भयो भन्ने शंका उब्जिएको हो । हो उमेरको साथै नया शैलीका स्टारको आगमनले फिल्म उद्दोगमा तपाईंको प्रभाव शुन्य भएको छ । स्टारडमलाइ कायम राख्न नियमित आय आर्जन पनि चहियो । अब फिल्म बाट त्यो सम्भव छैन । समाजले आफ्नो फाइदाको लागि जन्माएको कुरितिलाइ हिन्दु धर्म सङ्ग जोडि अहिले यो धर्म बदनाम गरे राम्रो आय आर्जन हुने अवस्थामा तपाई कतै यतै तिर लागेको हो कि भन्ने भान भएको छ । अनि नेपाली हुनुमा लज्जित छु भनेर पनि भन्नू भएछ । अब के गर्नु हुन्छ? अरु कुनै देशको नागरिकता लिनु हुन्छ या यो देश छोड्नु हुन्छ? तपाईलाई राजेश हमाल बनाउने नेपाली नै हुन नेपाल नै हो । वास्तवमा एउटा घटनालाई लिएर यति ठूलो कुरा गर्दा तपाईंलाइ तपाईं बनाउने दर्शकहरुलाई कति आघात पुग्यो होला तपाई महशुश गर्नु भएको छ । हुन त तपाई समाजिक मुल्य मान्यता नमान्ने अलिकती कुसंस्कारी पनि हो । खोलाको किनारमा आपत्ती जनक अवस्थामा पक्राउ पर्दा भाग्य रेखाबाट तपाईंलाई निकालिएको थियो भने कामनाले तपाईंको नाङो तस्विर छापेको थियो, बुवाको मृत्युमा कपाल नकाटेकोले पनि तपाईं उनिहरुले टार्गेट गरेको र तपाईं प्रलोभनमा पर्नु भएको भन्ने बिश्वाश लागेको छ । म आशा गर्छु मेरो यो बिश्वाश गलत सबित होस । राजेशजी मलाइ लाग्छ । अब तपाईले लज्जाबोध भयो भन्दैमा यो कलन्क भोलि नै अन्त्य हुदैन । अनि सामजिक कुरिती र कुसस्कारलाई लिएर धर्म बिशेषको आलोचना गर्नु हुन्छ भने त्यो मुर्ख्याइँ हुन्छ । हो छुवाछुत र बर्णब्यबस्था हाम्रो समाजको कलन्क हो । त्यस्को अन्त्य गर्न आत्मालाई साक्षी राखेर भनौ हामी बाट के पहल भयो त? प्रायोजित न्युजलाई आधार बनाएर सामजिक सन्जालहरुमा कुर्लन सजिलो छ । तर तिनिहरु बाटै माखो मार्ने काम भएको छैन । यस्ता कुरितिको अन्त्य रातारात हुदैन । कम्तीमा पनि एउटा पुस्ता (जेनेरेसन) को बिशर्जन हुनु पर्छ । दुनिया यहा सम्म हिजोको आजै आइ पुगेको हैन । विभिन्न कालखन्डहरु पार गर्दै आएको हो । मेरि छोरीलाई केही दशक आगाडी सम्म गोरेहरुले कालाहरुलाई जनावरको श्रेणिमा राख्थे, पशुलाई जस्तो बाधेर राख्थे भन्दा “बाबा त्यस्तो नि हुन्छ र? म सङ्गै पढ्ने इमान्युल (काला जातिको बालक) म जस्तै हैन र भन्छे” । म छुवाछुत मान्दिन । तर मेरि ७५ बर्षिय आमामा छुवाछुतको धङ्गधङ्गी छ । म डाडा माथिकी जुन भैसक्नु भएकी मेरी आमाको मन पनि दुखाउन सक्दिन र उहाको अगाडी कथित छुवाछूत मानेको जस्तो पनि गर्छु । जबकी मेरो छोराछोरीलाई छुवाछुत जस्तो कुरा exist गर्छ भन्ने कुरा थाहा हुन दिएको छैन र दिन्न । हामी सबैले यति कुरा मात्र ब्यबहारमा लागू गर्न र अरुलाइ लागू गराउन सक्यौ भने केही बर्ष भित्र यो छुवाछूत अन्त्य हुन्छ । किनकी छुवाछुत मान्ने एउटा कट्टर पुस्ता लोप हुने चरणमा छ । हामी सबैले आफ्नो ठाउँ बाट पहल गरयौ भने भोलिका सन्ततिले छुवाछुत पनि exist गर्थ्यो र भनेर अचम्म मान्ने हुन सक्छ । मानिसमा चेतना जगाउनु पर्यो, सम्झाउनु पर्यो । यतिकै कुर्ले, डलर पचाउने बाहेक कुनै काम हुदैन । र छुवाछुतलाई धर्म सङ्ग जोड्नेहरुलाई सोध्न चाह्न्छु कुन हिन्दु ग्रन्थमा छुवाछुतलाई बढवा दिएको छ? ससारमा कुनै धर्म नराम्रा छैनन । सबैले जीवन दर्शन, मानबियता, सेवा सहयोग र शान्तिनै सिकएका छन । आइ.एस. लाई इस्लाम र रुखको जरो जस्तो फैलिएर शान्ती फैलाइउदै दुनियाँ आफ्नो पकड्मा लिन खोजको आधारमा कृश्चियन धर्मलाई नराम्रो भन्न मिल्दैन । यिनिहरुको धर्मग्रन्थ पनि आफैमा महान छन् । त्यसैले कुरिती र कुसस्कारको बिरुद्द लडौ । हातमा हात मिलाएर काधमा काध मिलाएर । कुरिति र कुसंस्कारलाई जोडेर धर्मको आलोचना गर्नु रक्तपात निम्ताउनु हो । र पश्निमाहरुले हाम्रो देशमा प्रभाव जमाउन चाहेको पनि यहि हो ।source taja khabar

नेपाली चलचित्रमा रेखा थापा सँधैजसो चर्चामा रहने पात्र हुन् । सफल नायिका, निर्मात्री हुँदै निर्देशनमा समेत उत्तिकै जम्ने प्रयासमा रहेकी रेखाले राजनीतिमा पनि चासो राख्न थालेकी छन् । उनको लक्ष्य भने राष्ट्रपति बन्नुमा केन्द्रीत छ । तर सक्रिय राजनीतिमा भने अहिले प्रवेश गर्ने बेला नभएको उनी बताउँछिन् । प्रस्तुत छ, ईमेज खबर डट कमसँग उनले गरेकोराजनीतिक कुराकानीः
रेखाजी तपाईं नेपाली चलचित्रकी सुपरहिट नायिका, नाम र दाम दुबै दिएको थियो चलचित्रले, किन राजनीतिमा लाग्नु भयो ?
हरेक मानिसमा राजनीतिक चेतना हुन्छ । अझ चलचित्रकर्मीमा यो चतना बढी हुनुपर्छ भन्ने लाग्छ । हामी महिला समानताका कुरा गर्छौं । चलचित्रमा पनि यो मुद्दालाई सबैले उठाएका छौं तर समानता कसले दिने ? समानता कसरी हुन्छ ? यी सबै कुरा राजनीतिमा अडेको हुन्छ । राज्यको नीति निर्माण तहमा नपुगेसम्म समानताका कुरा गर्नु बेकार जस्तो लाग्छ । नीति निर्माण गर्ने तहमा पुग्नु पर्छ, त्यो क्षमता मसँग छ भनेरै राजनीतिमा लागेकी हुँ ।

जनयुद्ध लडेर आएको क्रान्तिकारी पार्टीसँग मोह जाग्नुको कारण ?

म आफैं सानैदेखि क्रान्तिकारी स्वभावको मान्छे । अन्याय, अत्याचार पटक्कै नसहने र नगर्ने । माओवादीले अन्याय र अत्याचार अन्त्यका लागि युद्ध लडेको थियो । यसकारण पनि मैले माओवादीमा राजनीति गर्नु पर्छ भन्ने लाग्यो ।

पार्टीमा खाशै प्रभाव त देखिएन नि ?

म जे जस्तो सोचेर माओवादीमा प्रवेश गरेकी थिएँ, त्यस्तो देखिनँ । माओवादी आफैं फुटेर टुक्राटुक्रा पनि भयो । म आफैं खिन्न पनि भएँ । मैले भूमिका खोजेको भए त दिने पनि थिए होलान् । दिन पनि खोजेका थिए, तर म अझै पूर्णकालिन् कार्यकर्ता बन्ने सोचमा छैन ।
पूर्णकालिन् राजनीति गर्ने सोच छ ?
चलचित्रबाट पूर्ण अलग्गिन त सकिदैंन तर चलचित्रमा भूमिका परिवर्तन गर्न सकिन्छ । अहिलेको मेरो सम्पूर्ण समय नेपाली चलचित्रका लागि नै आवश्यक छ । यसैले पनि म पूर्णकालिन राजनीतिकर्मी हुन सक्दिन । तर पछिका दिनहरुमा त पूर्ण रुपले राजनीति नै गर्ने हो ।
अब तपाईं कुन माओवादीमा त ?
मेरो आदर्श भनेकै पुष्पकमल दाहाल हुन् । उनी जुन पार्टीमा रहन्छन्, त्यही पार्टीमा रेखा थापा रहन्छे ।
ए ! पुष्पकमल दाहाल मन परेर पो माओवादी हुनुभा’को रहेछ ?
यसलाई यसरी साँघुरो घेरामा राखेर नहेरौँ कि ! नेतृत्वको विश्वासमा अरु कार्यकर्ता पनि लाग्ने हो नि !
राजनीति गरेर कहाँसम्म पुगिन्छ जस्तो लागेको छ ?
सपना त राष्ट्रपति कै छ नि । मैले यो देशलाई हाँक्न पाए स्वर्ग बनाईदिन्छु । मसँग सोच र चिन्तन छ । म सफल नेता बन्न बन्न सक्छु भन्ने मलाई पूर्ण विश्वास यसकारण पनि छ कि– मैले बनाएका सबै चलचित्र पूर्ण सफल छन् ।
पुष्पकमल दाहालसँग कत्तिको भेटघाट हुन्छ ?
आजकल त्यति धेरै भेटघाट छैन । उहाँ व्यस्त हुनुहुन्छ । संविधान लेखनको चटारोमा हुनुहुन्छ । उहाँलाई म आफैं डिष्टर्ब गर्दिनँ ।
पुष्पकमल सफल नेता त होइन नि ?
किन होईन ? पूर्ण सफल त म पनि भन्दिनँ  तर अन्यभन्दा सफल नेता हुन् । बाठा नेता हुन् । पार्टी भित्रको गुटलाई साम्य पार्नमात्र सकेको भए २० वर्ष पुष्पकमल दाहालले यो देशमा राज गर्दथे । देश पनि स्वर्ग हुने थियो ।
माओवादीमै आफ्नो राजनीतिक भविष्य देख्नुहुन्छ ?
अन्य पार्टीले पनि पार्टीमा ठाउँ दिने कुरा गरेका छन् तर माओवादीमा प्रवेश गरिसकेपछि अन्य पार्टीमा चाहर्दै हिड्न चाहन्नँ । बरु पार्टीका कमजोरीलाई मैले सुल्झाउन कोशिस गर्ने छु ।
संविधान बन्न भन्ने विश्वास छ ?
दलसँग विश्वास नगरे कोसँग गर्ने ? म पूर्ण विश्वासमा छु । संविधान दलहरुबाटै आउँछ । केही समय लम्बिन सक्ला ।
महिला हक, अधिकार र समानताका कुरा खुबै उठ्ने गर्छन्, तपाई नेपाली महिलाको अवस्थाका बारेमा के भन्नु हुन्छ ?
यो पितृसत्तात्मक देश हो । पुरुषहरुबाट नेपाली महिलाले धेरै पीडा सहेका छन् । आज पनि महिलाको पीडा असाध्य छन् । यसैलाई चिर्न म आफैं पनि चलचित्रबाट सक्रिय छु । चलचित्रले मात्र न्याय, अधिकार र समानता नदिने रहेछ भन्ने बोध गरेर म राजनीतिमा लाग्ने प्रण गरेकी हुँ ।
तपाईं राजनीतिमा लागेँ भन्नु हुन्छ, पार्टीमा कुनै पदीय हैसियत नै छैन ?
मलाई केन्द्रीय समितिमा बस्न भनिएको थियो । अहिले एमाओवादीको केन्द्रीय समितिमा बस्नुको कुनै अर्थ छैन । त्यत्रो जम्बो समितिमा बसेर के नै गर्न सकिन्छ र ! मैले चासो नै दिइनँ ।
अब कहिले जाने त पार्टीको पदमा ?
पख्नुस् न । चाडै आउँछ त्यो दिन । म सबै कुरा मिलाउँदै छु । रेखा त्यसै राजनीतिमा लागेकी छैन । यत्ति बुझ्नुस् ।source taja khabar

मुम्बई । बलिउडका ‘पर्फेक्टनिष्ट’ अभिनेता आमिर खान एक फिल्मका कारण प्रहरीको फन्दामा परेका छन् ।
amir-khan2धर्मका बारेमा कथा बोकेको सफल फिल्म ‘पीके’कै कारण आमिर प्रहरीको फन्दामा परेका हुन् । पहिला पनि विभिन्न धर्मका गुरु तथा भक्तजनकै कारण आमिर कानुनी फन्दामा परेका थिए । तर, यसपटक भने सिधै प्रहरीको फन्दामा परेका हुन् ।
फिल्म पीकेलाई लिएर धर्मको अपमान गरेको भन्दै प्रदर्शनमा आएको पाँच महिनापछि दिल्लीको अशोकनगर थानामा आमिर खानविरुद्ध मुद्दा दर्ता भएको छ । यद्यपी, फिल्म पीकेमा आमिरले पुलिसलाई ठूल्ला(पैसामा बेचिने) मानिस भनेकोमा मुद्दा दर्ता भएको हो । न्यू अशोक नगर थानामा सामाजिक कार्यकर्ता उल्‍हास पीआरले अभिनेता आमिर खानविरुद्ध मुद्दा दर्ता गरेका हुन् ।
उल्हासको आरोप छ कि आमिरले ‘पीके’मा मात्र पुलिस अफिसर ठुल्ला भनेनन् बल्कि लाल किल्लाका दीवालमा पिसाब फेर्ने काम समेत गरे । उल्हास भन्छन्-‘दिल्ली पुलिसविरुद्ध यो फिल्मका कारण आम नागरिकमा गलत सन्देश गइरहेको छ । जसको जिम्मा आमिरले लिनुपर्छ ।’ उल्हास भन्छन्-‘प्रहरीले आमिरविरुद्धको मुद्दालाई अदालतसम्म पु¥याउनुपर्छ ।
प्रहरीमा प्रहरीकै विरुद्ध बोलेको मुद्दा परेपछि आमिर अप्ठेरोमा परेका हुन् । यदि पुलिसले यो घटना अदालतसम्म पु¥याए भारतको कानुनअनुसार आमिरलाई केही दिन जेल सजायँ समेत हुनसक्छ तथा क्षतिपूर्ति पनि भराइने छ । समाज परिवर्तनको सोचबाट स्वच्छ छवि कमाएका आमिरलाई यो मुद्दाले प्रहरी फन्दामा पारेको हो ।source taja khabar

बलिउड अभिनेता सलमान खान आफैँले निर्माण गरेको पहिलो चलचित्र बजरंगी भाइजान आर्थिक रूपमा असाध्यै सफल भएको छ । भारतीय सञ्चारमाध्यमले १४ दिनमा यसले पाँच अर्ब कमाइसकेको उल्लेख गरेका छन् । तर विवादमा पनि त्यतिकै आइरहन्छन ।

मेमनबारे टिप्पणी
बिहीबार फाँसी दिइएका मुम्बई आक्रमणका दोषी याकुब मेमनलाई फाँसी दिनुअघि उनलाई फाँसी दिन आवश्यक नभएको ट्विट गरे । याकुबका बारेमा गरेका १४ वटा ट्विटमध्ये केहीमा उनले याकुब निर्दोष भएको पनि उल्लेख थियो । एउटामा उनले याकुबको सट्टा टाइगर मेमनलाई फाँसी दिनुपर्ने टिप्पणी गरे । एउटामा ‘एउटा निर्दोष मानिसलाई मार्नुको अर्थ मानवता मार्नु हो’ नै भनिदिए । यसको भारतमा खुबै विरोध भयो । सलमानको ट्विटरको उनकै बाबुले ‘अर्थ नभएको’ भन्दै विरोध गरे ।

कार दुर्घटना
सन् २००२ को कार दुर्घटना सलमानको सबैभन्दा ठूलो लफडा हो । त्यस रात उनले आफ्नो गाडी फुटपाथमा सुतिरहेका मान्छेमाथि कुदाएका थिए । मदिराले मात्तिएका सलमानले ल्यान्डक्रुजर हाँकेका थिए । एकजनाको ठाउँको ठाउँ मृत्यु भयो । तीन घाइते भए । तीन महिनाअघि सोही अभियोगमा उनलाई दोषी ठहर गर्दै मुम्बईको सेसन कोर्टले पाँच वर्षको जेल सजाय तोकेको थियो । यद्यपि, सलमानको अपिलपछि उक्त सजाय मुल्तबीमा छ ।

हरिणको सिकार
एउटा फिल्मको सुटिङका क्रममा राजस्थानमा रहेका वेला उनले हरिणको सिकार गरेको कुरा बाहिर आयो । सिकारका सोखिन सलमानले हरिण मारेको कुराले उनलाई पछिसम्म पनि अदालत धाइरहनुपर्ने बनाइरह्यो । तर, सुप्रिम कोर्टले सलमानले सो मुद्दा सामना धगर्नुनपर्ने आदेश दिएपछि उनलाई राहत मिल्यो ।

ऋतिकको चित्त दुखाइ
सलमान आफ्ना सहकर्मीसँग विवाद गर्न अग्रणी छन् । उनको एकपटक ऋतिक रोशनसँग झगडा पर्‍यो । सलमानले ऋतिकको फिल्म गुजारिसबारे अन्टसन्ट कमेन्ट गरेपछि यो लफडा भएको थियो । परिणामस्वरूप ऋतिक सलमानसँग बिच्किए । गुजारिसबारे सलमानले तथानाम बोल्नुको एउटा प्रमुख कारण थियो, त्यसमा सलमानकी पूर्वप्रेमिका ऐश्वर्या राय पनि थिइन् ।

क्याट्रिनालाई हातपात
केहीअघि सलमानले तत्कालीन गर्लफ्रेन्ड क्याट्रिना कैफमाथि गर्ने हातपातको खबरले मिडिया तताउने गथ्र्याे । त्यतिवेला सलमान र क्याट्रिना एउटा कफीसपमा थिए । तर, एकाएक उनीहरूबीच विवाद बढ्यो । सलमानले क्याट्रिनाको गालामा पड्काइदिए । केही समयपछि उनीहरूको ब्रेकअप भयो ।

ऐश्वर्यामाथि दुव्र्यवहार
सन् १९९९ बाट सलमान र ऐश्वर्याबीच प्रेम सुरु भएको थियो । त्यतिवेला उनीहरू हम दिल दे चुके सनमको सुटिङमा थिए । तर, सलमानले ऐश्वर्यालाई निकै तनाव दिएपछि ऐश्वर्याले सलमानलाई छोडिदिइन् । सलमानले आफूलाई गाली गरेको, पिटेको, घरका सामान तोडफोड गरेको आरोप नै लगाएकी थिइन् ।

भन्सालीमाथि भद्दा कमेन्ट
सलमान रिसाएको वेला मुखमा जे आयो, प्याच्चै बोलिदिन्छन् । आफूलाई मन नपरेको मान्छेबारे सार्वजनिक स्थानमै नराम्रो बोल्ने बानी छ । गुजारिस रिलिजको समयमा एउटा बच्चाले गुजारिसबारे राखेको जिज्ञासामा सलमानले भने, ‘तिमी गएर भन्सालीलाई भेट । उसले तिम्रोबारेमा पनि फिल्म बनाउँछ र खुब कमाउँछ । तर, तिमीलाई एक सुको पनि दिँदैन ।’ सलमानको यस्तो टिप्पणीपछि गुजारिसका निर्देशक भन्साली सलमानसँग चिढिए । सलमान पत्रकारसँग पनि विवाद गरिरहन्छन् ।



विवादास्पद अन्तर्वार्ता
एउटा पाकिस्तानी च्यानलमा अन्तर्वार्ता दिने क्रममा सलमानले मुम्बईमा सन् २००८ नोभेम्बर २६ मा भएको आक्रमणबारे टिप्पणी गर्दै ‘यो आक्रमणमा अलि धेरै धनी मान्छेको ज्यान गएकाले यो घटना धेरै उचालिएको हो’ भनिदिए । तर, यसको भारतमा खुबै विरोध भयो । पछि उनले यसलाई सच्याउने कोसिस गरे ।

सहकर्मीसँग झगडा
सलमानले आफ्नो फिल्म मै और मिसेज खन्नामा प्रियंका चोपडालाई केमियो रोलका लागि आग्रह गरेका थिए । तर, उनले अस्वीकार गरिन् । सोही कारण सलमानले प्रियंकासँग झगडा गरे । त्यसैगरी, सलमानले रकस्टारको कन्सर्टबाट फर्किरहेका वेला अभिनेता जोन अब्राहमसँग पनि झगडा गरे । पछि, अक्षय कुमारले उनीहरूबीचको विवाद मिलाएका थिए । सलमानले सञ्जय दत्तकी वर्तमान पत्नी मान्यताको बर्थडे पार्टीमा समेत बबाल मच्चाए । त्यस दिन उनको फिल्म निर्माता बन्टी बालियासँग झगडा भएको थियो । त्यो दिन सलमानलाई सम्हाल्न सञ्जयलाई समेत गाह्रो परेको थियो । source taja khabar

भारतमा आफ्ना प्रिय फिल्म सुपरस्टारको नाममा हनुमान चालिसा,मन्दिर मूर्ति बनाएर देउतैजसरी पुज्ने फ्यानहरुको जमात राम्रै छ। नेपालमा भने त्यस्ता फ्यान देखिहालिएको छैन्। नेपालमा राजेश हमाल ठूलो स्टारडम भएका अभिनेता हुन्। उनी जहाँ जान्छन् त्यहाँ भीड जम्मा हुन बेर लाग्दैनन्। राजेश हमाल जत्तिको स्टाडम कुनै नेपाली अभिनेतासँग छैन्। यस्तो व्यापक स्टारडम बोकेका राजेश हमालको नाममा उनका एक फ्यानले कविता लेखेका छन् : राजेश हमाल।
आफ्ना बारेमा लिखिएको उक्त कविता राजेश हमालले आफ्नो फेसबुक पेजमा सार्वजनिक गरेका छन्। उक्त कविता हेम प्रवास नामका एक फ्यानले लेखेका हुन्। 'राजेश हमाल' शीर्षकको कबिता यस्तो छ।

राजेश हमाल
हाम्रा हजुरबाले उहिल्यै चिनेका
हाम्रा बाले जमानामा साथी बनाएका
र, हामीले अहिले भर्खरै बुझेको
राजेश हमाल
मान्छेहरुको पनि मान्छे रहेछन् !
सहर पसेको साधारण युवक
गाउँमा पसिना रोपिरहेको किसान
कानुनको पुजारी पुलिस अफिसर
वा, वर्षौंपछि मुगलानबाट फर्केको लाहुरे
हामीले पालैपालो देख्यौँ सबैको अनुहार
राजेश हमालको एउटै अनुहारमा !
कैयन् देशी÷विदेशी युवतीहरुको
सस्तो प्रेमलाई पाखा लगाउँदै
एउटा मान्छे भएर पनि
कसरी निभाए होलान् उनले
त्यति धेरै मान्छेहरुको भूमिका !
कसरी बुझे होलान्–
त्यतिका मान्छेहरुको मनको भाषा !
यस्तो लागिरहेछ–
यो देशको खाँटी नेता त
राजेश हमाल हो ।
राजेश हमालसँग पनि हुँदो हो–
कलेज पढ्दाका दोस्तको सम्झना !
हुँदो हो–
कसैले हृदय निचोरी पठाएको प्रेमपत्र
र, स्कुले जीवन सकिने दिन
साथीहरुले हस्ताक्षर गरिदिएको–
आकाशे रङको कमिज !
स्कुल पढेताका हामी साथीसाथी थियौँ–
बले, गोविन्दे र म !
गाउँको सानो टि.भी.मा हेथ्र्यौँ–
राजेश हमालको सिनेमा– दोहर्‍याइ-तेहर्‍याइ
हामीले त्यसै वेला गरेका थियौँ प्रतीज्ञा–
‘भोलि राजेश हमाल बन्नेछौँ’ !
गाउँको पढाइ सकिएपछि
गयो बले हामीलाई छोडेर
राजेश हमाल बन्न सहरतिर !
कतार पुगेर बालुवामा कमलो छाती धस्दाधस्दै
उतै हरायो ऊ भीडमा
आजसम्म भेटिएन उसको नाम !
गोविन्देले गाउँमै फुलायो यौवन
गाउँमै बन्यो ऊ राजेश हमाल !
कपाल पाल्यो
र, पाल्यो– एक हल गोरु !
प्रत्येक साँझ चौतारोमा केटाकेटीलाई
सुनाइरहेछ उसले आजसम्म
राजेश हमालको फिल्मी संवाद !
यता, सहरको साँघुरो डेरामा छु म
कवि हेमप्रभास अर्थात् राजेश हमाल !
साँझ ढल्किँदै छ क्रमशः
छेवैमा छन्–
विशिष्ट श्रेणीमा एम.ए. पास गरेको सर्टिफिकेट,
नयाँ जागिरको लागि आवेदन दिन
भर्खरै बनाएको बायोडाटा,
गाउँ पठाउन किनी ल्याएको
आमाको दमको ओखती !
र, म सम्झिन खोजिरहेछु–
घरधनीसँग गर्नुपर्ने अभिनयको लागि
राजेश हमालको कुनै संवाद !
किनकि,
मैले बिहानै सुनिसकेको छु–
भोलि डेरा खाली गरिदिनुपर्ने
अन्तिम चेतावनी !source kala.setopati

आतंकवाद फैलाएको आरोपमा ३० जूलाईमा फाँसी दिन लागिएका याकुब मेमनको फाँसी रोक्न बलिउड अभिनेताले माग गरेका छन्। उनले ट्वीट गर्दै मेमनलाई फासी दिन नहुने बताएका हुन्। उनले उनको दाइले गरेको अपराधको सजाय उनलाई दिन नहुने बताएका छन्।
ट्वीटरमा सलमानले 'बिरालो जसरी लुकेको टाइगर मेमनलाई समात। हामीले एउटा बिरालो पनि समात्न सकेनौ?' भनेर ट्विट गरेका छन्। उनले याकुबमाथि गरिएको अन्यायमा तीन वर्ष पहिले नै बोल्न मन नभए पनि डरको कारणले बोल्न नसकेको बताउँदै पाकिस्तानी प्रधानमन्त्रीलाई टाइगर पाकिस्तानमा भए भारतलाई बताइदिन आग्रह पनि गरेका छन्।
भारतीय अदालतले मुम्बईमा १९९३ मा याकुबलाई मुख्य योजनाकार अन्तरगत राखेको छ। उनलाई बम बिस्फोटमा आफ्ना दाजू टाइगर मेमन र दाउन इब्राहिमलाई आर्थिकरुपमा सहयोग गरेको आरोप लागेको थियो
फाँसी रोक्नका लागि मेनन परिवारले महाराष्ट्र गभर्नरसमक्ष याचिका दायर गरेका छन् जसमाथि निर्णय हुन बाँकी छ। आइतबार निर्णय आउनसक्ने अड्कल काटिएको छ। भारतले भारको दिल्लीबाट पक्राउ गरेको जनाए पनि सन् ९४ मा मेमनले नेपालमा आत्मसमर्पण गरको बताउँदै आएका छन्।source kala.setopati.com

Nepali Movie "Jung"
Dubbed in Nepali
Starring: Biraj Bhatta, Sushil Singh,Vijay Verma, Tanu Shree, Anjana Singh, Krishna Bhatt, Jashjant Kunwar
Singers: Nityabiva, David Shankar, Hira Rana, Anamika Singh, Priyanka
Action: Shakil Sheikh, Hira Yadav
Music: Shankar Adhikari "Ghayal"
Screenplay: Radhe Shyam
Dialogue: Surendra Mishra
Editor: Umashankar Mishra, Yogesh Pandeya
Cinematographer: Saurav Lama
Producers: Binod Kumar Chaurasia, Manoj Kumar Chaurasia
Story/Direction: Anurag Mishra

छविराज ओझा र शिल्पा पोख्रेल बीच खटपट आएको समाचार केहि दिन अघि मजैले फैलिएको थियो तर आफुहरु बीच कुनै पनि खटपट नभएको बताउदै आएपनि यो कुराले सबैलाई ततायो |
आफ़िहरु बीच सुमधुर सम्बन्धनै छ भनि देखाउने समयको पर्खाइमा थिए उनीहरु त्यो दिन पनि जुर्यो | बिहिबार काठमाण्डौको गोपीकृष्ण हलमा आयोजना गरिएको चलचित्रको प्रेस शोमा छविले यो कुरालाई गलत देखाउन शिल्पालाई अंकमाल गरे । उनले आफू र शिल्पाको सम्बन्धमा कुनै खटपट नभएको समेत बताए ।
छविराज र शिल्पाको सम्बन्ध बिग्रियो,अब किस्मत २ को लागि छविराज अर्कै नया नायिकाको खोजीमा भन्ने खबरले सिने क्षेत्र तातेको थियो तर सबै हल्लाहरु गलत हुन् भन्दै छविले आफुले नया नायिका नखोजेको र किस्मत २ को लागि पनि शिल्पाई नायिका हुने बताएका छन |छविराज संग नजिक हुदा शिल्पाको मुहारमा पनि खुसि देखिएको थियो |
शिल्पा अभिनित ‘लज्जा र हवल्दार सुन्तली’ले छविलाई खुशी दिइसकेका छन् ।ऋषि लामिछानेको निर्देशनमा तयार भएको यो चलचित्रले अहिले सुखद व्यापार गरिरहेको छ ।छविराज ओझा एक सातामै फाइदामा गइसकेका छन् । चलचित्रमा सविन श्रेष्ठ र किशोर खतिवडा पनि मुख्य भूमिकामा छन् ।अब उनले पुराना चलचित्रको सिक्वेल पनि बनाउने तयारी गर्दैछन | source taja khabar

बलिउड अभिनेता सलमान खानले आफूलाई पाकिस्तानको आलोचना गरिएका फिल्म मननपर्ने बताएका छन्। उनले भने, ' मलाई पाकिस्तानलाई नकारात्मक देखाइएका फिल्म बिल्कुलै मनपर्देनन्। के हामी कसैले इन्डियाको बारेमा नराम्रो बोलेको सुन्न सक्छौं? पाकिस्तानीहरुको हकमा पनि त्यही कुरा लागू हुन्छ। त्यो उनीहरुको देश हो। पहिले पहिले भारतीयहरु पाकिस्तान पुग्दा त्यहाँ उनीहरुको राम्रो स्वागत-सत्कार हुन्थ्यो। मानिसहरु त्यो मेजमानीको प्रशंसा गर्थे। उनीहरु पनि यता आँउथे जसका कारण सम्बन्ध राम्रो थियो। यदि लड्ने त्यस्तो नै इच्छा छ भने सत्तामा बसेकाहरु आफै किन गोली खाँदैनन्। यसका लागि सैनिकहरुलाई किन अगाडी सार्छन्?'
सलमानले यस असन्तुष्टिसँगै आफ्नो फिल्मले तारिफ बटुलेकोमा खुसी पनि व्यक्त गरेका छन्। उनले हर कलाकारलाई आफू गरेको कामको प्रशंसा पाइयोस भन्ने लोभ र लालसा हुने बताए। सलमानको 'बजंरगी भाइजान'को कथा पाकिस्तानलाई सँधैं खलनायकको रुपमा चित्रण गरिने 'स्टेरोटाइप'बाट मुक्त छ। यस अघिका भारतीय फिल्महरुको विपरित यस फिल्ममा दुई देशको मानिसको मानवीय संवेदनालाई फिल्मले देखाएको छ। दुई देशको सम्बन्धको यस किसिमको नयाँ व्याख्यालाई मानिसहरुले राम्रो भनेका छन्।source kala.setopati

सलमान खानको पछिल्लो फिल्म ‘बजरंगी भाइजान’ ले बक्सअफिसमा धमाका पिटिरहेको छ । सँगै, उनका पिता सलीम खानले बजरंगी भाइजान रिलिजको अघिल्लो दिन सोही नामसँग मिल्दोजुल्दो ‘जियोग्राफी विथ बजरंगी भाइजान’ नामक पुस्तक विमोचन गरेका छन्। यसै मौकामा सलमानका पिताले उनको बाल्यावस्था र विवाहसँग जोडिएका प्रसंगहरुबारे खोले।

लामो समयदेखि सलमान खानको विवाहलाई लिएर चलेको बहसमा पत्रकारले सोधेको प्रश्नमा सलीमले मुखै फोरेर भनिदिए,‘यस प्रश्नका जवाफ म त के अल्लाह मियाँले पनि दिन सक्दैनन्।’

सलीमको यस्तो जवाफबाट मिडियाले अन्दाज लगाइहाले, उनको बिहेलाई लिएर परिवार पनि हैरान भइसके र सोच्न पनि छोडिदिए।

पुस्तक विमोचन समारोहमा सलीमले छोरा सलमानलाई  उडाउनुसम्म उडाए। उनले सलमानको बाल्यावस्थासँग जोडिने प्रसंगमा सलमानलाई जिस्काउँदै सोधे,‘तिमी सानो छँदा एकजना व्यक्ति थिए, जसले तिमीलाई पढाउँथे। तिमी परिक्षाभन्दा अघि त्यो व्यक्तिसँग म जाँचमा पास हुन्छु कि हुँदिन भन्दै सोध्न जान्थ्यौ। तिमी त्यही व्यक्तिकै कारण पास हुने गथ्र्यौ। त्यो व्यक्तिको नाम के हो रे ?’

पिताको प्रश्नमा सलमानले भने हाँस्दै भने,‘याद छैन ड्याडी !’ बाबुछोराको यस्तो सवालजवाफ सुनिरहेका उपस्थित भएका सबै गलल्ल  हाँसे। सलीमले सलमानलाई उडाउने प्रसंग अझ थप्दै जाँदा सलमान भने मुस्कुराइरहन्थे।source taja khabar

अमिर खान सलमान खानले 'बजरंगी भाईजान'मा गरेको अभिनय देखेर भावुक भएका छन्।
शनिबार राति आफ्ना केही साथीसहित छोरी इरा र भाई फैजलसँग फिल्म हेर्न लाइट बक्स थिएटर पुगेका थिए। फिल्म हेरेपछि सलमान खानको अभिनय देखेर उनी भावुक मात्र होइन रोएका पनि थिए।
फिल्म सकिएपछि उनलाई बाहिर निस्किएको बेला आँसु पुछिरहेको तस्विर भारतीय मिडियामा आएको छ। यसअघि नै उनले 'बजरंगी भाईजान' को तारिफ गर्दै ट्विटमा यो फिल्मलाई सलमान खानको अहिलेसम्मकै राम्रो फिल्म भएको बताएका थिए।
यसैबीच अमिरले आफ्ना शुभचिन्तकलाई 'बजरंगी भाईजान' एकपटक हेर्न आग्रहसमेत गरेका छन्। अमिरले ट्विटमा फिल्म निर्देशक, फिल्मको कथाबस्तुकोसमेत तारिफ गरेका छन्।
उनले फिल्ममा अभियन गरेकी बाल कलाकार शाहिदा उर्फ मुन्नी उर्फ हर्षालीको पनि तारिफ गरेका छन्।
शुक्रबार रिलिज भएको फिल्म बजरंगी भाईजानले ६३ दशवमल ७५ करोडको कमाइ गरेको भारतीय सञ्चार माध्यमहरूले जनाएका छन्।source kala.setopati

कट्रिना कैफको ३२ औं जन्मदिनको समारोहमा रणविर कपुरले औंठी उपहार दिएका छन्। खबरअनुसार रणविरले कट्रिनालाई सरप्राइज पार्टी मात्र दिएनन् प्लाटिनमको औंठी पनि उपहार दिए । जुन औंठीमा ‘केके’ लेखिएको छ ।

बताइएअनुसार कट्रिनाका ब्वाइफ्रेण्ड रणविरले औंठी दिएर सम्बन्धलाई अझ औपचारिकताको घोषणा गरेका हुन् । उसो त यो जोडीले केही समयअघि आफूहरुले बिहे गर्न लागेको तर अहिले समय नभएकाले अर्को वर्ष गर्ने बताउँदै आएका थिए । उनीहरुको बिहे सन् २०१६ को अन्तिममा हुन सक्ने पनि आँकलन गरिएको छ ।

सन् २०१० मा रिलिज भएको ‘अजब प्रेमकी गजब कहानी’ बाट सुरु भएको मित्रताले औपचारिकता पाउँदै गएको थियो । मिडियामा कयौं उतारचढाव आएको बताइए पनि उनीहरु हाल मुम्बईमा ‘लिभ–इन रिलेसनसिप’ छन् ।

करियरले सिँढी चढ्दै गर्दा कट्रिना सलमान खानको प्रेमिका भनेर चिनिएकी थिइन् भने रणविरका पूर्वप्रेमिका दिपिका पादुकोणको पनि रणविर सिंहसँग बिहे हुने हल्ला चुलिँदो छ ।source kala.setopati.

पछिल्लो समय धेरैको घरबार टुक्राउने बिषय बनेको छ मापसे अर्थात रक्सी सेवन । रक्सि सेवनले गर्दा धेरै युवा पिडिका ब्यक्तिको जीवनको सहयात्रा सम्म टुटेको छ । नेपालको सन्दर्भमा धेरै सवारी दुर्घटनाका पछाडि पनि मापसे नै जोडिएर आउने गरेको छ । यहि कुरालाई मध्येनजर गर्दै नेपाल सरकारले मापसे चेकिङलाई अलि कडाई गरेको छ । नेपाल ट्राफिक प्रहरीको यो कदमलाई मान्नै पर्छ ।
सधै सर्वसाधारणलाई चेकिङ् गर्दै आएको प्रहरीको फन्दामा शनिबार राती १०.३० मा नायिका शुभेच्छा थापा र निर्देशक राजु गिरीलाई पक्राउ गरेको छ । उनीहरु राती १० बजे मापसे गरेर बालकुमारी स्थित द रेडि गेष्ट हाउसबाट निस्किएका थिए । त्यसको करिव आधा घण्टा पछि जावालाखेल ट्राफिक प्रहरी बिटले उनीहरुलाई पक्राउ गरेको हो । यो प्रसंग हो पछिल्लो समय चर्चामा रहेको गीत मापसेले मार्योको म्युजिक भिडियो सुटिङको । आगामी माघ १६ गतेबाट प्रदर्शनको तयारीमा रहेको नेपाली कथानक चलचित्र ‘द टाईगर रियल हिरो’ भित्र समेटिएको यो गीतको म्युजिक भिडियोको सुटिङ्सँगै यो चलचित्र छायाँङकनको सम्पुर्ण काम सकिएको छ । यो गीतमा नायक अशोक फुयाल र नवराज गिरी तथा नायिका सगुन शाही र शुभेच्छा थापाले अभिनय गरेका छन् । निर्देशक राजु गिरीले निर्देशन गरेको यो चलचित्रमा समावेश यो गीत म्युजिक भिडियो बन्नु अगावै चर्चीत बनीसकेको छ ।
शंकर गिरी, काजल गिरी र रिया गिरीले सयुक्त रुपमा निर्माण गरेको यो चलचित्रमा नायक अशोक फुयाल, नायिका शुभेच्छा थापा, शुसान्त कार्की, सुरज रानाभाट, सगुन शाही लगायतका कलाकारको अभिनय रहेको छ । रोशन श्रेष्ठको द्धोन्द्ध रहेको यो चलचित्रमा संगीतकार अर्जुन पोखरेलको संगीत समावेश गरिएको छ । शुभेच्छा इन्टरटेन्टमेन्टको ब्यानरमा निर्माण भएको हो । source taja khabar

बलिउडमा अभिनयका कारणपनि सबैको मनकी राजकुमारी बनेका कैयौं सुन्दरी परिवार फुटाएर सौता बनेका उदाहरण थुप्रै छन् । नाम चलेका अभिनेत्रीहरुहरु पनि दोश्री श्रीमती बन्न मन पराए । मुमताज दखि करिना कपुर सम्मले दोश्री श्रीमती बने ।
हेमा मालिनी:
कुनै बेला सबैकी ड्रिम गर्ल हेमा मालिनीले पनि १९८० मा ववाहित रहेका धर्मेन्द्रसँग विवाह गरेकी थिइन् । धर्मेन्द्रकी पहिली पत्नी प्रकाश कौर थिइन् । हेमा प्रकाशकी सौता बन्न गएकी थिइन् ।

श्रीदेवी:

श्रीदेवी पनि बोनी कपुरकी दोश्री श्रीमती हुन् । उनले विवाह गर्दा बोनी पहिले नै बिवाहित थिए । सौता लागेको र घर भाँडेको भनेर श्रीदेवीको आलोचना भएको थियो ।

करिश्मा कपूर:

करिना कपुरकी दिदी तथा अभिनेत्री करिश्मा कपूरले पनि उद्योगपति संजय कपूरसँग दोश्री पत्नी बनेर विवाह गरेकी थिइन् । उनी सौता लागेको भएपनि करिश्माको घर राम्रो बस्न सकेन । अहिले उनीहरु सँगै बस्दैनन् ।

शिल्पा शेट्टीः
खासगरी सुन्दर शारीरिक बनौटका कारण चर्चामा रहने बलिउड सुन्दरी शिल्पा शेट्टीले पारपाचुके गरेर बसेका ब्यवसायी राजकुन्द्रासँग विहे  गरिन् । उनलाई परिवार भाँडेको र सौता लागेको आरोप लगाेको थियो ।

करीना कपुरः

बलिउडमा दोश्री विरासतलाई करिना कपुरले पनि धानिन् । थुप्रैसँग अफेयर बनाएकोमा चर्चामा आएपनि उनी अहिले सैफ अली खानकी दोश्री श्रीमतीकोरुपमा छिन् । करिना पनि सौता बनेर सैफको जीवनमा भित्रिएकी थिइन् ।

महिमा चौधरीः

कुनै बेलाकी सुन्दरी अभिनेत्री महिमा चोधरीले पनि दोश्री पत्नी बन्न मञ्जुर भएर आर्किटेक्ट बबी मुखर्जीसँग विवाह गरेकी थिइन् । सौता लागेकी भएपनि महिमा र बबीबीच सम्बन्ध टुटिसकेको छ । उनीहरु अहिले सँगै बस्दैनन् ।
अमृता अरोराः
करिना कपुरकी मिल्ने साथी समेत रहेकी सुन्दरी अभिनेत्री अमृता अरोराले पनि करिना कपुरकै बाटो पच्छ्याउँदै दोश्री श्रीमतीको रुपमा शकील लदाखसँग विवाह गरेकी छिन् । उनी सौता बनेर परिवारमा भित्रिँदा उनको आलोचना पनि भएको थियो ।
विद्या बालन:
सुन्दरी अभिनेत्री विद्या बालन त २ महिलाको सौता बनिन्ले । उनले पनि दुई पटक विवाह गरिसकेका सिद्धार्थ राय कपूरसँग विवाह गरेकी छिन् । सिद्धार्थ UTV मोशन पिक्चर्स का सीईओ हुन् । सौता बन्ने बलिउड सुन्दरीमा विद्याको नाम पनि सूचीकृत छ ।
शबान आजमी:
अभिनेत्री शबाना आजमीले पनि रचना तथा संगीतकार जावेद अख्तरसँग दोश्री श्रीमती बनेर विवाह गरेकी थिइन् । उनले पनि सौता लागेको भनेर आलोचना खेपेकी थिइन् ।
रवीना टंडन:
अभिनेत्री रवीना टंडनले पनि अनिल थडानीकी दोश्री पत्नी बन्न स्वीकार गरिन् । अनिल थडानीकी पहिली पत्नी नताशा शिप्पी हुन् । नताशाको सौता बनेर घरमा भित्रिँदा रबीनालाई पनि घर भाँडेको आरोप लागेको थियो ।
मन्यता:
मान्यता संजय दत्तकी तेश्री पत्नी हुन् । सञ्जयकी पहिली पत्नी ऋचा शर्मा ब्रेन ट्युमरले मरेकी थिइन् भने दोश्री पत्नीसँग उनले पारपाचुके गरेका थिए । एक प्रकारले मान्यता पनि सौता बनेर सञ्जयको जीवनमा आएकी थिइन्
लारा दत्ता:
मिस इण्डिया लारा दत्तले पनि टेनिस स्टार महेश भूपतिसँग दोश्री श्रीमती बनेर विवाह गरेकी थिइन् । उनलाई पनि घर भाँडेको र सौता लागेको आरोप लागेको थियो ।source taja khabar

भारतको सबैभन्दा महंगो अनि बक्स अफिसमा धुम मच्चाइरहेको बाहुबलीको दोस्रो भाग, बाहुबली-२ को कथा फिल्म आउनु अगावै लिक भएको छ।
बाहुबलीः द बिगिनिङ मा खलनायकलाई हराइसकेपछि फिल्मका नायक बाहुबली महिषमती राज्यको राजा बन्छन्। भल्लाव देव सेनापति बन्छन। तर कालान्तरमा बाहुबलीको हत्या हुन्छ अनि भल्लाल देव राजा बन्छन्।
तर पहिलो फिल्ममा यो कालान्तरको कथा भने गर्भमा नै राखिएको थियो। फिल्मको अन्तिम सिनमा कटप्पाले बाहुबलीलाई विश्वासघात गरि तरवारले घोपिदिन्छन्। फिल्मको अधिकांश समय कटप्पालाई बाहुबलीको नजिक देखाइन्छ तर फिल्मको अन्त्यमा बाहुबलीको ज्यानै लिनको लागि त्यस्तो के भएको हुन्छ?
यी सारा फिल्मी रहस्य बाहुबलीको अर्को भागमा खुलाइनेछ। यो अर्को फिल्मको कहानी बाहुबली राजा बन्ने तरखर गरेदेखि सुरु हुनेछ। त्यसबखत बाहुबलीलाई देवसेना नामकी एक युवतीसंग प्रेम हुन्छ।
एक फिल्मी पत्रिकाको अनुसार, ती युवती पनि बाहुबलीसंग प्रेम गर्न लाग्छिन्। तर माहिषमति राज्यमा यसरी प्रेम गर्न सम्भव देखिन्न। त्यसैले बाहुबली देवसेनालाई लिइ राजपाठ छोडेर हिड्छन्। त्यसपछि माहिषमति राज्यको राजपाठ भल्लाल देवले पाउँछन्।
क्रुर शासक भल्लालसंग छिटै जनता आक्रोषित हुन्छन्। उता बदला लिन तम्सेका कालाकेया (खलनायक) का भाइ फेरी माहिषमति राज्यमा आक्रमणको तयारीमा हुन्छ।
यो सबै जानकारी पाएपछि बाहुबली फेरी घर फर्कन्छन्। तर त्यसै बिच भल्लालदेव, कटप्पट र बिजलाल देवले बाहुबलीको हत्या गरिदिन्छन्। बाहुबलीकी पत्नी बनिसकेकी देवसेना गिरफ्तार हुन्छिन्। देवसेनाको बच्चालाई पनि मार्न लागिएको हुन्छ तर भल्लाल देवको आमाले बचाइदिन्छिन्। यो बच्चाको नाम शिवा हुन्छ।
शिवाले नै भल्लाललाई हराउनेछ। जसमा शिवालाई उसको प्रेमिका अवंतिकाले साथ दिन्छिन्। दुवै मिलेर माहिषमतिमा आफ्नो हक लिन आक्रमण गर्छन्।
भल्लाल देवलाई हराएपछि बाहुबलीका छोरा शिवालाई माहिषमतिको सिंहासन मिल्छ। साथै यो फिल्ममा बाहुबली साउथकी नायिका अनुष्का शेट्टीको साथमा रोमान्स गर्दै देखिने छन्।
बाहुबली -२ को शुटिङ यो वर्षको सेप्टेम्बरसम्म पुरा हुनेछ। सन् २०१६ को जनवरी १५ अगाबै बाहुबलीको यो दोस्रो भाग रिलिज हुनेछ।source taja khabar

पाकिस्तानमा जन्मेकी एउटी केटी कुनै समय मायानगरी मुम्बईको बलिउडको धड्कन थिइन्। बलिउडमा सन् ५० दशकमा आफ्नो दमदार उपस्थिति जनाएकी ती मुम्बईकी धड्कन शिला रमानीको यसै साता बुधबार निधन भएको खबरबाट बलिउड बेखबर रह्यो। शिलाले देवानन्दसँग जोडी बाँध्दैं ‘ट्याक्सी ड्राइभर’बाट डेब्यू गरेकी थिइन्।
सन् १९५० मा ‘मिस सिम्ला’ टाइटल समेत जितेकी शिलाको नाम फिल्मक्षेत्रमा छिर्नुपूर्व शिला केवरमनी थियो । अभिनयसँगै शिलाको बोलिहाल्लान जस्ता आँखा र रंगीन स्वभावको पनि चर्चा हुनेगर्थ्यो। शिलाको बुधवार मुम्बईदेखि पाँच सय किमी पर मध्य प्रदेश स्थित मउ भन्ने ठाउँमा निधन भएको हो।
उनको निधनपछि बलिउड चुपचाप रहेको छ । उनलाई कसैले औपचारिकरुपमा श्रद्धाञ्जली र श्रद्धासुमन समेत व्यक्त गरेनन्।
 १४ फिल्ममा अभिनय गरेकी शिलालाई त्यतिबेला बलिउडले मान्ने स्टारमा पर्थिन । व्यापारी पतिका कारण अष्ट्रेलिया, कोलम्बिया लगायत धेरै देश चहारेर अन्तिम सास फेर्ने उनी आफ्नो बाल्यकाल बितेको घरमा फर्केकी शिलालाई बलिउडले  याद नगरेकोमा  भारतीय सञ्चारमाध्यमले आश्चर्य प्रकट गरेका छन्। उनी लामो समयदेखी बिरामी थिइन्। उनका दुई सन्तान रहेका छन्।
  source kala.setopati

बुधबारसम्म दुई सय करोड कमाएर छोटो समयमा सबैभन्दा धेरै कमाएको भारतीय फिल्ममा परेको फिल्म ‘बाहुबली’ मा समावेश भएका दृष्यहरु चोरिएको खुलासा भएको छ। एस.एस. राजामौली निर्देशित फिल्मले नेपालका हलमा पनि उल्लेख्य व्यापार र चर्चा पाइरहेकोे छ।
फिल्मको बिबिध पक्षको चर्चासँगै दृष्यहरु चोरिएको कुराले झनै सनसनी लिएको छ। एक भारतिय सञ्चारमाध्यमको दृष्य अनुसन्धानमा फिल्मका दृष्य लिँदा हलिउडका फिल्मबाट पभावित भएका देखिन्छन् भने कतिपय दृष्य सिधै चोरिएका भेटिन्छन्। फिल्मका अधिकांस दृष्य हलिउड फिल्म ३०० सँग मिल्छन्
सिन नं. १– बाहुबलीमा तमन्नाले निभाएको भूमिका अवन्तिकालाई देखाइएको यो दृष्य हलिउडको ‘३००’ को क्विन गोर्गोसँग मिल्छ।
दृष्य नं. २–यो दृष्य पनि ३०० सँग मिल्छ। कुँजो हात भएको ‘बिज्जलादेव’ को भूमिकामा देखिएका नासरेले र ३०० मा कुँजो शरिर भएका पात्र ‘एफिलेट्स अफ ट्राचिस’ को याद दिलाउँछ।source kala.setopati

मिडिया एनपी, काठमाडौं, २९ असार । नेपाली निर्देशक कमलकृष्णले बलिउड सिने नगरमा पुगेर तहल्का मच्चाएका छन् । तर, उनले राम्रो काम गरेर इनाम कमाएका भने होईनन् । उनले बलिउड सिने नगरिमा प्रवेश गरेर कलाकार ठगेको भन्दै ११ भारतीय कलाकारले प्रहरीमा उजुरी दर्ता गरेका छन् । आफूलाई आमिर खानको भतिजा भएको बताउँदै फिल्म छायांकन गरेर फरार भएपछि कमलकृष्णविरुद्ध ११ भारतीय कलाकारले प्रहरीमा उजुरी दर्ता गरेका हुन । उनले कलाकारबाट समेत ठुलो रकम लिएको समाचार सिलिगुढीबाट प्रकाशित हुने अखबार जागरणले प्रकाशित गरेको छ ।
प्रधाननगर पुलिस चौकीमा कमलकृष्ण र होटलका प्रबन्धकविरुद्ध उजुरी दर्ता भएको जनाइएको छ । भारतीय पूर्वोत्तर फिल्म संघका अध्यक्ष टीकम शर्माका अनुसार दुई महिना पहिले कमलकृष्णले आफूलाई आमिर खानको भतिजा बताउँदै रकम असुली गरि फिल्म सुट गरेका थिए । टीकमले नेपाली सिनेमाको भारतीय वितरण पनि गर्दै आइरहेका छन् । कमलकृष्णलाई पक्राउ गर्न भारतीय प्रहरीले काठमाडौंस्थित दुतावासमा समेत पत्राचार गरेको समाचारमा उल्लेख छ । कमलकृष्णले रावण, फुलस्टप, दमदारसहितका नेपाली फिल्म निर्देशन र संगीत भरेका छन् ।
source medianp