काठमाडौ, श्रावण १६ - पेम्बा तामाङलाई धेरैले सायद अझै बिर्सेका छैनन् । महाभुकम्पको ६ दिनपछि जीवितै उद्दार गरिएका उनी देश/विदेशका सञ्चारमाध्यमका हेडलाइन बनेका थिए । भूकम्प आउनु अगाडिसम्म पेम्बालाई पृथ्वीमा यस्तो कम्पन हुनेबारे समेत राम्ररी थाहा थिएन । तर त्यस दिनको झण्डै एक मिनेटको धक्काले उनलाई एक सय २० घन्टा भग्नावशेषभित्र पुरिदियो । धन्न, पेम्बाको भाग्य र उद्दारकर्मीको सफलताले उनको उद्दार भयो ।
महाभूकम्पको तीन महिना बितिसक्दा पनि १५ बर्षे पेम्बालाई त्यो घटना हिजोझैं लागिरहेको छ । घरभित्र कतै छिर्‍यो कि फेरि भूकम्प आइहाल्छ कि भन्ने भयले अझै सताउँछ उनलाई । त्यही डरले उनलाई सपनामा समेत छाड्दैन । ज्यान निकै थाकेझैं हुन्छ । गोंगबुको चियापसलमा उनले सुनाए, ‘सुतेपछि उठ्नै सकिँदैनजस्तो लाग्छ । बल घटेझैं लाग्छ ।’
तर पेम्बा त्यति कमजोर बालक होइनन् । उनको कथाले त्यही भन्छ । कलिलै उमेरदेखि जिम्मेवारी बोक्न थालेका उनलाई सास्ती पनि सानैमा ठूलै पर्‍यो । नुवाकोट, गोर्‍स्याङका उनलाई तिथीमिथिको त्यति हेक्का हुँदैन । तर, सम्झन्छन्, ‘त्यस्तै ३ बर्षअघि आमासँग काठमाडौं आ’को ।’ आमा रोजगारीका क्रममा कुवेत पुगिन्, पेम्बा काठमाडौंमा बसे । होचो कदको चुलबुले पेम्बा साँझदेखि विहानसम्म नयाँ बसपार्क वरपर डुल्थे । उनको काम हुन्थ्यो, भुवनेश्वरी होटलमा बस्ने, खाने ग्राहक खोजेर ल्याउने । अनि दिनभर सुत्थे उनी । त्यसरी काम गर्दा कमाई कति हुन्थ्यो कहिल्यै हेक्का भएन उनलाई । चाहिएको बेलामा साहुसँग थोरैथोरै पैसा माग्थे ।
भूकम्प आएको दिन केहीबेर अघि मात्र उठेर खाना खान थालेका थिए । उनले सुनाए, ‘त्यसबेलै थकान मरेको थिएन, त्यसपछि त विजोगै भयो ।’ भाग्दाभाग्दै उनीमाथि घर बजारियो, धन्न उनी एउटा सुरक्षित कुनामा परे, हात फैलाउँदा घ्युको सिसि भेटियो जसकै भरमा उनी १ सय २० घन्टा भग्नावशेषबीचमा बस्न सके ।
पेम्बा धेरै बोल्दैनन् । पत्रपत्रिकामा उनीबारे के छापिए उनलाई त्यतिसारो मतलब पनि छैन । ‘फेसनेवल’ पेम्बा आफ्ना साथीहरुसँगै हुन्छन् धेरैजसो । अहिले पनि धेरैबेर उनी बाहिर डुलेरै बिताउँछन् जसले गर्दा भुकम्पको त्रासदी मेट्न सजिलो हुन्छ कि भन्ने लाग्छ उनलाई । आफसँगै काम गर्ने केही साथी गुमाएको पनि पीडा छ उनलाई ।
प्रिन्टेड टिसर्टमाथि टाँक नलाइकन चेक सर्टमा थिए उनी । हातमा ट्याटु खोपेका । कपाल कोरियन स्टाइलको बनाएका । भुकम्पपछि एकजना शुभेच्छुकले उनलाई अंग्रेजी भाषा कक्षा भर्ना गरिदिएकी छन् । अहिले उनी दैनिक ३ घन्टा त्यही कक्षामा बिताउँछन् । नेपालीबाट अंग्रेजीका शब्द सम्झनु र विस्तारै तिनलाई वाक्यमा ढाल्नु उनको गृहकार्य हुनेगर्छ । गाउँमै पाँच कक्षासम्म पढेका उनलाई अरु धेरै स्कुल धाउने रहर भने छैन । भाषा कक्षा सिके बिदेशमा काम पाउन सजिलो हुन्छ कि भन्ने लाग्छ उनलाई ।
पेम्बाले जानेको सीप म:म बनाउने हो । गाउँमै छँदा एक हुल दाईहरुसँग उनी भारतको पञ्जाब पुगेका थिए । त्यतिखेर उनी १० बर्षका मात्र थिए । पञ्जाबमा म:मको प्याकिङ गर्ने कम्पनीमा काम पाए उनले । चिकेन, पनिर र भेज म:म बनाउन आउँछ उनलाई । त्यहाँ झण्डै २ बर्ष त्यहाँ बिताउँदा उनले घरमा कमाएर ३० हजार पठाएका थिए । ‘पछि घरको न्यास्रो लाग्यो र फर्किएँ,’ पेम्बाले भने, ‘गाउँमा कोही नभएपछि फेरि काठमाडौं आएँ ।’
उनका बुवा सूर्य तामाङ काठमाडौंमा ट्याक्सी चलाउने काम गर्छन् । भुकम्पपछि भने पेम्बा आफ्नी दिदी र भाईसँग स्वयम्भुमा बस्छन् । भुकम्पमा पुरिँदा उनको मनमा धेरैचोटी गाउँ छाडेर किन काठमाडौं आएँ भन्ने लागिरह्यो । तर पनि उनलाई आफू बसेका सबै ठाउँ उत्तिकै प्रिय छन् । भन्छन्, ‘जहाँ बस्यो त्यहीं रमाइलो ।’
source:ekantipur

 अमेरिकाको रक्षा मन्त्रलायका वैज्ञानिकहरुले टेक्नोलोजीको मार्फत गायब गर्ने सञ्चार सिस्टम बनाउन जुटिरहेका छन् । यसलाई टाइम क्लोक (आवरण) नाम दिइएको छ ।
यसले आँखा अगाडि रहेका कुनै पनि चीज ५० पिकोसेकेन्डमा तत्कालै गायब गर्ने सिस्टम बनाउने कार्यको अमेरिकी वैज्ञानिक अन्तिम चरणमा पुगेका छन् ।
उक्त मेसिनेले विभिन्न रंङको प्रकाश परिवर्तित गर्दै चीज गायब गराउँदा सँगै रहेका व्यक्तिले थाहा नपाउने विज्ञान सम्बन्धी समाचार प्रकाशित गर्ने नेचर पत्रिकालाई उद्धृत गर्दै सिएनएनले जनाएको छ ।
न्यूयोर्कको कारनेल युनिभर्सिटीका मोटी फ्रिडमनले अदृश्य पार्न उपकरण निर्माणको अन्तिम चरणमा पुगेको बताएका छन् ।source:medianp

काठमाडौं ।

पृथ्वीमा ठूलो संकट आउन सक्ने चेतावनी बेलायती बैज्ञानिकहरुले दिएका छन् । पृथ्वीमा महाद्वीपीय परतहरु पातलो बन्दै गएको र दीर्घकालमा यी परतहरु पुरै पानीमा डुब्न सक्ने सम्भावना रहेको उनीहरुको भनाइ छ ।
यदि उनीहरुले भनेको जस्तै गरी पृथ्वीको सतही परत पातलो हुँदै गयो भने कुनै बेला यस्तो आउने छ जतिबेला पृथ्वीमा जमिन नभएर पानी पानी मात्र हुनेछ ।
 earth under water
‘न्यू साइन्टिस्ट’ नामक म्यागजिनमा प्रकाशित यो दावी अनुसार पृथ्वीका सतही परतहरु तीव्र गतिमा पातलिँदै गएका छन् ।
earth under water 1
यस्तो प्रक्रिया लामो समय सम्म चलेमा पृथ्वी समुन्द्रमा डुब्ने छ । बेलायतको युनिभर्सिटी अफ ब्रिष्टलका ब्रुनो धुइमे र उनका साथीहरुले १३००० चट्टानमा नमूना परीक्षण गरेर लामो अध्यनपछि यस्तो निष्कर्ष निकालेका हुन् ।source:nepaliheadlines

मुम्बई । बलिउडका अभिनेता सलमान खान बेला बेला फिल्मभन्दा बढी विभिन्न घटनाका कारण चर्चामा आउने गर्छन् । भारतमा उनका ‘हिट एण्ड रन’, कुटपिट, मारपिट जस्ता मुद्दा अहिले पनि सुल्झिएका छैनन् । पाँच वर्षको जेल सजायँ पाएका सलमानले माथिल्लो अदालतबाट न्याय पाएका थिए । अहिले पनि उनको यो महत्वपूर्ण मुद्दा अदालतमा विचाराधिन छ । यही क्रममा विहीबार भारतमा फाँसी सजायँ सुनाइएका याकूब मेमनको पक्षमा बोलेको भन्दै सलमानविरुद्ध फाँसी सजायँको माग उठ्न थालेको छ । त्यो पनि सत्तारुढ दलकै नेताबाट ।

 सत्तारुढ भारतीय जनता पार्टीका सांसद उषा ठाकुरले सलमान खानलाई मृत्युदण्ड सजायँ दिन माग गरेकी छिन् । उनले याकूब मेमन जस्तैगरी सलमानलाई पनि फाँसीमा झुण्ड्याउनुपर्ने बताएकी हुन् । उषाले देशविरोधी गतिविधी गर्ने अपराधी भएकाले अपराधीको पक्ष लिने पनि देशद्रोही हो भन्दै सलमानलाई फाँसीमा चढाउन अदालत र न्यायधिशलाई आग्रह गरेकी छिन् । सलमानले याकूबलाई फाँसीमा झुण्ड्याउनु दुई दिन अगाडि फाँसीमा चढाउनु गलत कार्य भएको भनेर न्यायलयको अलोचना गर्नेगरी ट्विट गरेका थिए । यस्तो विवादास्पद भनाईपछि सांसद उषाका अमर्थक र अचोलक दुई धारमा छुट्टिएका छन् । उनको राजीनितक बजारमा पनि आलोचना सुरु भएको छ । उनका समर्थकले पनि सामाजिक सञ्जालमा मृत्युदण्डको माग गरिरहेका छन् । उषा सत्तारुढ दल भाजपाको मध्य प्रदेशको इन्दौरकी सांसद हुन् ।

भनिन्छ आमाबाबु छोराछोरीका लागि भगवान हुन् तर, यहाँ एक युवती आफ्नै आमाबाबुका कारण यौन शोषणको सिकार बनेकी छिन् ।
बिहारको गयामा एक बाबुले इच्छाविपरित आफ्नै छोरीलाई छिमेकीको हातमा सुम्पिदिएका छन् । पैसाको लोभमा बाबुले आफ्नी छोरीलाई पहिला आफूले यौन शोषण गरी शारीरिक सम्पर्कका लागि छिमेकीलाई नै बेचेका हुन् । यो क्रम करिब २ वर्षसम्म चलेको थियो ।
यस्तो काम गर्ने क्रममा उनकी छोरी गर्भवती भईन्, तर, उनलाई गर्भपतन गराएर फेरि धन्दामा लगाइयो । छोरीले जब आमालाई यो कुरा बताइन् तब आमाले पनि चुप लागेर बस्ने सल्लाह दिइन् । करिब २ वर्षको यस्तो शोषणपछि अन्तिममा पीडित युवती आफ्ना नातेदारको मद्दले पुलिसको ढोकामा न्याय माग्न पुगेकी छिन् । उनको गुहार सुनेर पुलिसले घटनामा अनुसन्धान थालेको छ ।
भारतीय सञ्चारमाध्यमले जनाएअुनसार फतेहपुर थानाको एक गाउँकी युवती पिताको अत्याचारबाट हैरान भएर घरबाट भागिन् । भागेर गयामा एक नातेदारको घर पुगेर उनले आफूमाथि भएको सबै शोषणबारे आफन्तलाई सुनाईन् ।
 त्यसपछि उनका आफ्न्तले उनलाई लिएर एसएसपी अफिस पुगे । पीड़ित युवतीले पुलिसलाई दिएको बयान अनुसार सानै उमेरमा पिताले उनको यौन शोषण गरेका थिए । उमेर कम भएकाले उनलाई पहिला यौन शोषणबारे केही थाहा थिएन् । उमेर बढ्दै गएपछि उनले सबै कुरा आफ्नी आमालाई बताईन् ।
आमाले पितालाई यस्तो हर्कतबाट रोक्न खोजे, तर उनी मानेनन् । उनका पिताले आमालाई मार्ने धम्की सम्म दिँदै आफूपनि आत्महत्या गर्ने चेतावनी पनि दिए । यस्ता धम्की, चेतावनीबाट डराएर आमाले छोरीलाई चुप लाग्न सल्लाह दिईन् । त्यसपश्चात पितासँगै उनीसँग छिमेकी पनि घरमा घुसेर बलात्कार गर्न थाले ।
यो क्रममा उनी तीन पटक गर्भवती भइन्, तर उनको गर्भपतन गराइयो । एसएसपीका अनुसार पीड़ित युवतीको आरोप एकदमै गम्भीर छ । रामपुर थानामा महिला पुलिसले यो मुद्दा दर्ता गरेर कारवाही प्रक्रिया अगाडि बढाएका छन् ।
पीडक आमाबुबा र छिमेकीलाई प्रहरीले गिरफ्तार गरेको छ । यो मुद्दा छिट्टै अदालतमा दर्ता गरिनेछ । अदालतबाट दोषी ठहरिए बाबु र छिमेकीलाई १० वर्षको जेल सजायँ हुनेछ ।source:np news line

-कुशल श्रेष्ठ
हालै खुलेको एक इन्जिनियरिङ्ग संस्था ‘साल्ट’ले एउटा नयाँ प्रविधिको चिमको विकास गरेका छन्, जुन चिम ८ घण्टासम्म लगातार बल्न सक्छ त्यो पनि केवल १ गिलास पानी र २ चम्चा नुनको माध्यमबाट। ‘साल्ट’  नामक यो चिमले कोठा उज्यालो बनाउनुको साथसाथै यूएसबी पोर्टबाट स्माट्रफोनलाई चार्ज गर्न सक्ने ऊर्जा पनि पैदा गर्दछ।
संसारका अझै पनि करोडौँ मानिसहरू बिजुलीबिनाको अन्धकारमा बाँचिरहेका छन्। यसको मतलब यदि उनीहरूलाई रात परेपछि केही काम गर्न पर्यो भने खतरनाक तथा महङ्गो मट्टीतेलबाट चल्ने चिम प्रयोग गर्नुपर्ने हुन्छ। यहि तथ्यलाई मध्यनजर गरेर नै यो चिमको विकास गरिएको हो।
यस चिममा ‘ग्याल्भानिक सेल ब्याट्री’ (Galvanic Cell Battery) पनि समावेश भएको हुन्छ, जसमा इलेक्ट्रोलाइट – नुन र पानी – र दुई वटा इलेक्ट्रोडहरू हुन्छन्। जब इलेक्ट्रोडलाई इलेक्ट्रोलाइटमा डुबाइन्छ, त्यसबाट निस्केको ऊर्जाले लेड बल्बलाई बाल्दछ। निर्माणकर्ताहरूको अनुसार, यो ब्याट्रीले प्रतिदिन लगातार ८ घण्टा सम्म काम गर्दछ।
फिलिपिन्सका ७००० टापुहरूका बासिन्दाहरूले अझै पनि बिध्युतको सुविधा पाएका छैनन्, त्यसैले गर्दा ‘साल्ट’का एक समूहले सुरुमा त्यहाँका समुदायहरूमा उनीहरूको चिम प्रदान गरेका थिए। यो डिजाइन त्यहाँको सामुदायीक वातावरणसँग अनुकूल भएको थियो किनभने यो चिम समुन्द्री पानीबाट पनि चल्न सक्दछ।
यो चिमलाई २०१६ सम्ममा बजारमा भित्र्याउने निर्माण समूहको आशा रहेको छ, तर उनीहरूका प्रतिष्पर्धीहरू पनि थुप्रै नै छन्। ती प्रतिष्पर्धीहरूले यस्तै प्रकारका आविष्कारहरू गरेका छन्,  नाम गरेको यो चिम केवल पृथ्वीको गुरुत्वाकार्षण बलको माध्यमबाट काम गर्दछ। यो चिमले घिर्नी (Pulley) ले जस्तै काम गर्दछ, त्यसको एक छेउमा भएको तुलामा केवल १२ किलोग्रामको तौल राखिन्छ, त्यसपछि अर्को छेउमा भएको डोरीलाई समातेर उक्त तौल पुरै माथी नआउन्जेल तानेर छोडिन्छ। यसरी जब तौल तल झर्दै जान्छ, त्यसबाट निस्केको ऊर्जाले २०-३० मिनेट जति बत्ती बाल्न पुग्छ। जति चोटी त्यसरी तौल तानेर झारिन्छ, त्यति नै बढी समयको लागि पुग्ने ऊर्जा पैदा हुन्छ।
यस्ता आविष्कारहरूको कारण समाज तथा समुदायको लागि सहयोग पुग्दछ। मैनबत्ती र लालटिनको धमीलो उज्यालोमा जीवन बिताइरहेका समुदायहरूमा यस्तो किसिमको आविष्कारहरूले धेरै नै मद्दत पुर्याइरहेको हुन्छ।sosurce:nepaliheadlines

तपाइँ अरुको नजरमा राम्रो बन्न चाहनु हुन्छ भने तपाइँले धेरैकुरामा ध्यान दिनु पर्छ । तपाइँसँग ब्यवहारको ढंग छैन भने मान्छेहरुले तपाइँलाई माया होइन घृणा गर्छन् ।
सामान्य जीवन जिउने मानिसले भन्दा अतिरिक्त श्रम गर्न तयार हुने र मेहनती ब्यक्तिले मात्र जीवनमा सफलता पाउन सक्छ ।
जे गर्नु हुन्छ राम्रोसँग गर्नुस्ः
जीवनमा सफल पाउने पहिलो शुत्र हो जे गरिन्छ मजाले गर्नु । कुनै पनि काममा पुरै डुवेर सो काम गर्नु नै सफलताको शुत्र हो ।
अतिरिक्त परिश्रम गर्न अतिरिक्त उर्जा चाहिन्छ त्यसका लागि कतिपय ब्यक्तिले योगा गर्ने गर्छन् । शरीरमा अतिरिक्त उर्जा उत्पादनका लागि विहान उठ्ने वित्तिकै हातलाई माथी लैजाने र हावामा फैलाउने अनि फेरि सामान्य अवस्थामा पुर्‍याउने । यस्तो अभ्यास नियमित गर्दा शरीरमा उर्जा बढ्छ । शरीरको सुविधान अनुसार हिँड डुल गर्दा वा स्थिर बस्दा पनि हुन्छ तर आफू रुख बनेर पृथ्वीको उर्जा तानिरहेको कल्पना गर्दा शरीरमा नयाँ स्फुर्ती आउने योग विज्ञहरु बताउँछन् ।
हरेक काममा सफलताः
अहिलेको समय प्रतिस्पर्धाको समय हो । शत प्रतिशत आउटपुट भए मात्र स्थान पाइन्छ आजकल । निरन्तर गुणात्मक परिणाम दिने क्षमता राख्यो भने मात्र सफलताको दिशामा जान सकिन्छ । सफलता पाउन र त्यसलाई कायम राख्नु फरक कुरा हुन् । दुवैमा निक्कै मेहनत जरुरी हुन्छ तर भित्र देखि शान्त भएर कुनै काम गर्न सकिएन भने चाँहि सफलताले समेत सन्तुष्टी दिँदैन ।
सफलताका तीन सिँढी
– निरन्तर परिश्रम ऊर्जा कायमै
– सफलता त्यो मात्र हो जसले बाँध्ने होइन मुक्ति दिन्छ
– सफलता सकारात्मक हुनु पर्छ जसले नकारात्मक ऊर्जा नष्ट गरोस्
यी तीन कुरालाई सन्तुलनमा राख्ने ब्यक्ति सँधै सफल हुन्छ ।source:nepaliheadlines

ओएस नेपाल, काठमाडौँ, १२ साउन                                                                                                                नेपालका मेनपावर कम्पनी अचम्मका छन् ! कुल ७५८ वटा मेनपावर कम्पनीमध्ये केही त्यस्ता छन्, जसले एक वर्षमा एकजनालाई मात्रै विदेश पठाउँछन् ।
वैदेशिक रोजगार विभागले निकालेको तथ्यांकअनुसार आर्थिक वर्ष २०७१/०७२ मा एक जनामात्रै कामदार विदेश पठाउनेमा ४ वटा मेनपावर कम्पनी छन् ।
थापा इम्प्लोइमेन्ट सेक्युरिटी सर्भिस, सत्यवती ओभरसिज, हेभी ओभरसिज र नेपाल बिजनेस लिंकले एक वर्षमा एक/एक जनालाई मात्रै विदेश पठाएका छन् ।
त्यस्तै, एक वर्षमा दुईजना कामदार मात्रै विदेश पठाउने दुईवटा मेनपावर कम्पनी छन् । भेरी एण्ड कर्णाली इन्टरनेशनल र इमेराल्ड इन्टरनेशनल कन्सल्टेन्सीले दुई/दुईजना कामदार विदेश पठाएका छन् ।
रिजा ओभरसिज इम्प्लोइमेन्टले वर्षभरिमा तीनजना कामदार मात्रै विदेश पठाएका छन् भने फष्ट स्टेप हृयूमन रिसोर्स र फेल्कोन इन्टरनेशनलले आव ०७१/०७२ मा चारजना कामदारलाई विदेश पठाएका छन् ।
यसैगरी एचपीआई ग्लोबल नेपाल ओभरसिज र एएमबी हृयूमन रिसोर्सेजले वर्षभरिमा ५/५ जना कामदारमात्रै वैदेशिक रोजगारीमा पठाएका छन् ।
बढी कामदार पठाउनेमा एसओएस
एसओएस म्यानपावरले भने आर्थिक वर्ष २०७१/०७२ मा सबैभन्दा बढी कामदार विदेश पठाएको छ । गत वर्ष पनि एसओसएस म्यानपावरले नै सबैभन्दा बढी कामदार विदेश पठाएको थियो ।
एसओएस म्यानपावरले गतसाल बैशाखदेखि ०७२ असारसम्म ८ हजार एक सय १७ जना पुरुष र १ सय ६५ जना महिलासहित ८ हजार २ सय ८२ जनालाई वैदेशिक रोजगारमा पठाएको छ ।
एसओएस म्यानपावरका सञ्चालक सोमलाल बटाजुको स्वाइन फ्लुका कारण गत वैशाखमा निधन भएको थियो ।
त्यस्तै, रिभर ओभरसिजले ६ हजार ८ सय २५ जनालाई वैदेशिक रोजगारीमा पठाएको छ । प्याराडाइज इन्टरनेशनल वैदेशिक रोजगारमा कामदार पठाउनेमा तेस्रो भएको छ । प्याराडाइज इन्टरनेशनलले ५ हजार ६ सय ४ जनालाई विदेश पठाएको छ ।
विभागले निकालेको सूचीअनुसार वैदेशिक रोजगारमा नेपाली कामदार पठाउनेमा चौथो बनेको लालधनुष इन्टरनेशनल सर्भिसले ५ हजार ३ सय ३४ जनालाई पठाएको छ । इन्टरनेशनल म्यानपावर रेक्रुटमेन्टले ५ हजार ३ सय ३ जनालाई विदेश पठाएको छ ।

राजविराज : परिवार पाल्न छोरो विदेशिएका बेला परपुरुषसँगको सम्पर्कपछि गर्भवती भएकी बुहारीलाई सासूले प्रेमीको जिम्मा लगाएकी छन् ।
कञ्चनरुप नपा–९ धर्मपुरकी २० वर्षीया रेणुदेवी साह र छिमेककै सोल्टी नाता पर्ने १८ वर्षीय पुजन साहबीचको यौनसम्बन्धबाट गर्भ बसेको खुलेपछि आइतबार रेणुलाई गाउँलेले पुजनकै जिम्मा लगाएका हुन् ।रेणुका पति फागु साह ०७१ साउन २२ गतेदेखि वैदेशिक रोजगारीको सिलसिलामा दुबईमा छन् ।
सुनसरीको गौतमपुर माइत भई धर्मपुरमा विवाह गरेर आएको वर्ष दिनमा पति विदेश गएपछि उनी पुजनसँग प्रेम सम्बन्ध रहेकी थिइन् । उनी अहिले सात महिनाको गर्भवती छिन् । रेणुको पेटमा हुर्कँदै गरेको गर्भ आफ्नो भएको पुजनले स्विकारेका छन् ।
छोरा विदेशमा रहेका बेला बुहारी गर्भवती रहेको थाहा पाएपछि गत असार २५ गते गाउँमा छलफल बोलाउँदा रेणुले गाउँलेसामुन्ने वास्तविक घटना बाहिर ल्याएकी थिइन् ।
गाउँलेहरुले उतिबेलै रेणुलाई पुजनको जिम्मा लगाउन खोज्दा पुजनका अभिभावकले अस्विकार गरेपछि सासु ५९ वर्षीया पानवतीदेवी साहले गत बुधबार जिल्ला प्रहरी कार्यालयमा उजुरी दिएकी थिइन् ।
दुबैलाई प्रहरीले झिकाएपछि गाँउलेसमेत आइतबार जिल्ला प्रहरी कार्यालयमा पुगेका थिए । घरपरिवारले अस्वीकार गरेपछि उनले तिनै युवकसँग जीवन बिताउने बताइन् ।
रेणुकी दिदी र पुजनका ठूलोबुवा जगदीश साहका छोराबीच विवाह भएकाले उनीहरुबी सोल्टी नाता पर्छ । विवाह अघिबाटै एक अर्कालाई मन पराउने गरेको कुरा उनीहरुले प्रहरी कार्यालयमा बताए ।
हामी एक अर्कालाई माया गर्छाैं, जे हुनु थियो भयो’, सहमति पत्रमा हस्ताक्षर गर्दै युवकले भने, ‘अब हामी दाम्पत्य जीवनमा तयरा छौं ।’
आफूले प्रेम गरेकाले पत्नीकारुपमा स्वीकार्ने र युवतीले पनि आफूसँग बस्न चाहेको युवकले बताए । युवक अविवाहित हुन् भने युवतीका पहिलो पति फागुतर्फ एक वर्षीया छोरी छन् । एक वर्र्षीया नाबालिकाको पालनपोषणको जिम्मा भने हजुरआमा पानवतीले लिँदै घर लगिन् ।
‘समस्या आएपछि समाधान त गर्नै पर्‍यो’, घरपरिवार र गाउँलेले सहमति गरी दिएको जानकारी दिँदै स्थानीय हरिलाल साहले भने, ‘सुरुमा त केटाले मेरो गर्भ होइन भनेर डीएनए परीक्षण गर्छु भन्थ्यो, तर छलफलका क्रममा गर्भ आफ्नै रहेको स्वीकार्‍यो ।’
तथ्यांकअनुसार नेपालबाट दैनिक एक हजार पाँच सय बढी युवा वैदेशिक रोजगारीमाश जाने गर्छन् । सप्तरीमा अविवाहितभन्दा विवाहित युवा नै बढी विदेशिने गरेको आँकडाले देखाउँछ ।
सप्तरीका प्रहरी नायव उपरीक्षक नारायणप्रसाद चिमरियाले पत्नी, छोराछोरी र घरपरिवारको लागि विदेशिने युवाकै घरबार भने दिनदिनै भत्किँदै गएको बताए । एक महिनाको अवधिमा यस्तै प्रकारका चारवटा घटना प्रहरी कार्यालयमा आएको उनले जानकारी दिए ।
गाउँ, घरपरिवारको मोहमाया त्यागेर छोराछोरी र पत्नीका लागि श्रम गर्न विदेशिएका पतिले कमाएर पठाएको रकममा केहीले रजाइँ गर्न थालेपछि पुरुषहरु पीडामा पर्न थालेको महिला अधिकारकर्मी पनि बताउँछन् ।
साभार : डिसी नेपाल

पौराणिक ग्रन्थहरुमा स्त्री र पुरुषका शारीरिक बनावट, हाउभाउ तथा बानीबेहोराका आधारमा उनीहरुलाई विभिन्न वर्गमा विभाजन गरेको पाइन्छ । तिनै ग्रन्थहरुका अनुसार पुरुषजस्तै नारीहरु पनि चार प्रकारका हुन्छन्- पद्यमिनी, चित्रिणी, शंखिनी र हस्तिनी । यी वर्गमा पर्ने नारीहरुका चरित्र र लक्षण पौराणिक ग्रन्थमा यसरी वर्णन गरिएको पाइन्छ :
पद्यमिनीको लक्षण-
पद्यमिनी चरित्रका नारीहरुको शरीर न बढी पुड्को न धेरै अग्लो, सामान्य किसिमको हुन्छ । पूर्णचन्द्र जस्तै अनुहारको कान्ति र कमलपुष्प जस्ता नेत्र र सुगाको जस्तै सलक्क परेकेा नाक, हरिणकाजस्ता चञ्चल नेत्र, स्तन पुष्ट र ठाडा-ठाडा अर्थात श्रीफल जस्तै हुन्छन् । तिनको पुष्पझैं अंग हुने, कपाल काला चिल्ला र आँखा लामा हुन्छन् । आँखामा राता डोरा, कोकिलजस्तै वाणी तथा धनुषजस्तै आँखिभौं र राजहंशजस्तो गति, सिंहको जस्ता पातलो कमर, कमल नालजस्ता लामा हात, केराको थाम वा हात्तीको सुढजस्तै तिघ्रा भएकी र पेटमा त्रिवली रेखा भएकी, थोरै आहार हुने, थोरै निन्द्रा भएकी, दानी र उत्तम स्वभावका नारी पद्यनिी कहिन्छन् । उनीहरु देव, ब्राहृमण, गुरु अतिथिी मान्ने स्वभावका हुन्छन् । उनीहरु प्रसन्न मद्राका हुन्छन् र योनिबाट बग्ने सुरत-जल कमलजस्तै सुगन्धित हुन्छ । उनीहरु थोरै नै समागमले सन्तुष्ट हुन्छन् र सात्विक आहार रुचाउँछन् । हाँसझैं ढल्की-ढल्की बिस्तारै हिंड्न,े नाच-गान मन पराउने, बत्तीस लक्षणयुक्त, पुत्रवती, सौभाग्यवती तथा चम्पाको पुष्पजस्तै देहको कान्ति भएकी फक्रेको कमल-पुष्पको कोसाको आकार जस्तै जननेन्द्रिय भएका नारीलाई नै पद्यमिनी भनिन्छ ।
चित्रिनीको लक्षण-
चित्रिनी चरित्रका नारीहरुका सबै अंग कोमल र राम्रा हुन्छन् । न बढी अग्ली न धेरै पुड्की, पातलो सलक्क परेको शरीर हुन्छ । यिनीहरु सम्भोगमा सबै क्रिया राम्ररी जान्ने हुन्छन् । स्तन ठूला भएकी, सुगाको जस्तै नाक र ठूला चंचल नेत्र भएकी, सुवर्णको जस्तै देहको रंग भएकी, उछिट्टएिका ओठ र शंखजस्तै घाटी भएकी, हाँसझगै हिडाइ र मीठो वाणी बोल्ने भएकी, बेलको फल जस्तै कठोर स्तन भएकी , कपालको केश काला र लामा भएकी, नाच-गान जान्ने र मन पराउने स्त्रीलाई चित्रिणी भन्छन् । चित्रिणीको योनि बाटुलो हुन्छ र मदन-जल बढी बग्दछ । लोभ नभएकी दानी सुशीला, सत्य र प्रिय बोल्ने, दया र क्षमाले युक्त तथा धर्मकर्मको चेष्टा भएकी एवं देवता, ब्राहृमण र गुरुको सेवाभक्ति गर्ने, परपुरुषतिर मन डुलाउने, आफ्नै पतिसँग पनि बढी सम्भोग गर्नुभन्दा आलिंगन, चुम्बन र मर्दन आदि मन पराउने, मोटा-मोटा तिघ्रा भएकी, मीठो-मीठो खान खोज्ने, पुष्पमाला, आभूषण र चित्र-बस्त्र रुचाउने हुन्छन् । चित्रिणी नारीको योनि बाटुलो र अग्लो तथा मसिना रौं भएकी, शरीरबाट मधुको गन्ध आउने यस्ता लक्षणहरु भएका नारीलाई चित्रिनी भन्दछन् ।
शंखिनीको लक्षण-
शंखिनी स्त्रीहरुका शरीरको मध्यभाग केही बढी लामो हुन्छ । यिनीहरुको विशाल नेत्र हुन्छ र शीलवती हुन्छन् । ठूला र कठोर स्तन एवं शरीरबाट क्षारको गन्ध आउँछ । घाँटीमा त्रिवली रेखा, मसिनु बोली, जुनबेला पनि समागमको इच्छा राख्ने, त्यही विषयको कुरा गरिरहने, रातो वस्त्र रुचाउने, शीघ्र क्रोधित हुने, शरीरका नसाहरु स्पष्ट देखिने, आफ्ना पति, गुरु, देवता र मान्यजनको लाज डर केही नमान्ने, सदा अर्काकै पतिको इच्छा राख्ने, चर्को स्वरले हाँस्ने, कोही निकै राम्री वा कोही कुरुप पनि हुन्छन् । शरीरबाट विचित्र प्रकारको दुर्गन्ध आउने नारी शंखिनी कहिन्छन् । चाक्लो र ठूलो नितम्ब हुने र योनिमा बढी राैं हुने, कामजल थोरै निस्कने तथा समागम गर्दा नखक्षत गर्ने एवं शरीर बढी तातो रहन्छ । ती पित्त प्रकृतिका, ठीक्कको आहारा भएका, गर्दभझैं बाणी-कर्ण-कटु हुने एवं कपटी र पापी विचार भएका स्त्री शंखिनी कहिन्छन् ।
हस्तिनीको लक्षण :
हस्तिनी नारीहरु दिन-रात सम्भोगको इच्छा गर्ने र अग्लो शरीर भएका हुन्छन् । गाला, निधार, कान र नाकका प्वाल ठूलो भएका, तिघ्रा र पाखुरा सानो तथा मोटो भएका, आँखा राता-राता र विशाल, कपालका रौं खस्रा, कैला र मोटा, नाकका पोरा फुकेका, केही बाँगिएको घाँटी र फालीजस्ता दाँत, हात्तीको जस्तै चर्को बोली भएकी, शरीरबाट विचित्र प्रकारको गन्ध आउने, पर-पुरुषसँग सम्भोगको मौका खोजिरहने, ठूलो नितम्ब हुने, कर्कशा, धेरै रिसाहा, आँैलाहरु बांगा-टिंगा भएको र डल्लो-मोटो तिघ्रा भएको, रजमा हात्तीको मदझैं गन्ध आउने, भगमा खस्रो मोटो र बाक्लो रौ भएकी, योनी ठूलो र गहिरो हुनाले सम्भोगमा कहिल्यै सन्तुष्ट नहुने । देवता, बाहृमण, गुरु आदिमा पनि अश्रद्धा राख्ने, निकै प्रचण्ड स्वभाव भएकी र दण्डद्वारा नै बशमा राख्न बाध्य हुनुपर्ने, जसलाई पनि डर-भय नमानी मनपरी बोल्न अघि सर्नेे स्त्रीलाई हस्तिनी भन्दछन् ।source:pardesikhabar

काठमाडौं : तान्त्रिक ज्योतिष विहंगमराज तिमल्सेनाले गरेका भविष्यवाणी मिल्ने गरेका छन् । उनमा भरपुर मिडिया–क्रेज छ, किनभने उनी आफूले गरेका प्रायः भविष्यवाणी सञ्चारमाध्यममार्फत सार्वजनिक गर्न रुचाउँछन् । दोस्रो संविधानसभा निर्वाचन आउँदै गर्दा उनले गरेको भविष्यवाणी गलत भएन ।
सौर्य दैनिकले अगाडि लेख्छ, समाजका चर्चितदेखि सामान्य मान्छेसम्म र देशको कुण्डली पनि हेर्छन्, उनी । उनलार्ई देश र नेताहरूको कुण्डली हेर्न विशेष जाँगर चल्छ । अब मुलुक कता जान्छ रु कस्तो छ भविष्य रु जान्न आफैँ पल्टाउँछन् कुण्डली, ‘मलाई पनि यो देशको चिन्ता छ । त्यसैले कसैले भनिरहनु पर्दैन, आफैँ हेर्छु बेला–बेला जन्मभूमि र नेताहरूको कुण्डली ।’
समय चक्रको फेरमा यतिबेला फेरि चर्चामा छन् उनै तान्त्रिक ज्योतिष तिमल्सेना । मुलुक लोकतन्त्रात्मक नयाँ संघीय गणतान्त्रिक संविधान निर्माणको दिशामा अघि बढिरहेका बेला तिमल्सेनाले मुख्य नेताहरू र पार्टीलार्ई आध्यात्मिक रूपमा समस्या सुल्झाउन सुझाव दिएका छन् ।
नेताहरूले बेलैमा ‘दशमहाविद्याको शरणमा गएर विधि पूरा गर्ने हो भने देशले संकटबाट उन्मुक्ति पाउने’ तिमल्सेनाको ठहर छ । देश अहिले पनि पूर्ण रूपमा संकटमुक्त नभएको र नेताहरू आ–आफ्नै तालमा लाग्ने हो भने मुलुक अझ बढी संकटमा फस्ने उनको अध्यनले देखाएको उनी अडानका साथ बताउँछन् ।
यतिबेला तिमल्सेनाको सबैभन्दा ठूलो भविष्यवाणी मुलुकको आगामी राष्ट्रपति को हुने भन्ने सवालमा छ । राष्ट्रपतिको सवालमा तिमल्सेना भन्छन्, ‘देशको र प्रमुख नेताहरूको ग्रह, लग्न, राशि आदि हेर्दा यो मुलुकमा अब राष्ट्रपति हुने पालो छविलाल (प्रचण्ड) को छ । उनको ग्रह यतिबेला सबैको भन्दा बलियो छ । उनका अगाडि अरू नेताको ग्रह राम्रो छैन ।’
नेताहरू सकारात्मक हुनुपर्छ । सबैभन्दा पहिला देशको संकट कसरी मोचन गर्ने भन्नेमा ध्यान दिनुपर्छ । ‘देशको पहिलो राष्ट्रपति हुन तयार भएका छविलाल आफ्नै ग्रहका कारण हुन नसकेको’ ज्यातिष तिमल्सेनाको ठहर छ । ग्रह बलियो नभएको बेला बल गरेर मात्र पद प्राप्त गर्न नसकिने उनको भनाइ छ ।
अहिले छविलालको ग्रह बलियो रहेको उनको भनाइ छ । बेला–बेला देशको शासन कसको हातमा जान्छ भनेर भविष्यवाणी गर्ने तिमल्सेनाका अहिलेसम्मका भविष्यवाणी प्रायः पूरा भएका छन् ।
पार्टीका प्रमुख नेता, पत्रकार, व्यापारी, डाक्टरजस्ता महत्वपूर्ण व्यक्तित्व आ–आफ्ना समस्या लिएर उनकोमा जान्छन् । धेरैको भविष्य, वर्तमान र भूत बताउने उनी समस्यासँगै समाधानको उपाय पनि देखाउँछन् । धेरैजसो समस्या तान्त्रिक विधिबाट सुल्झाएका छन् उनले । उनका भक्तहरू देश विदेशमा धेरै छन् । स्काइप, टेलिफोन र च्याटमार्फत पनि उनी भक्तहरूको समस्या समाधान गर्छन् ।
अध्यात्मको सबैभन्दा ठूलो विधि दशमहाविद्यालार्ई मान्छन् तान्त्रिक ज्योतिष तिमल्सेना । उनको भनाइमा, यो विधि र यसको मन्त्रले मान्छे करेन्ट लागेर तरंगित भएजस्तै तरंगित हुने गर्दछ । यो विधि गर्ने जो कोहीले आफ्ना समस्याबाट उन्मुक्ति पाउने उनको ठोकुवा छ । तान्त्रिक विधिलाई विज्ञानको रूप मान्ने तिमल्सेना जो कोहीलाई यसको आवश्यकता रहेको ठान्छन् ।
‘विश्वका चर्चित नेता, व्यापारी, डाक्टर, वकिल जस्ता व्यक्तित्वहरू अध्यात्ममा विश्वास गर्छन् । नेपालका नेताहरू मनले माने पनि देखाउनका लागि अध्यात्मदेखि टाढा भएको ढ्वाङ गर्छन्, ।’ भारतको उदाहरण दिँदै तिमल्सेनाले भने, ‘संसद्मा गाडी कहाँ राख्ने रु सभामुख, उपसभामुखजस्ता महत्वपूर्ण नेताहरूको गाडी कता फर्काएर राख्ने रु जस्ता कुरामा वास्तुशास्त्र र तान्त्रिक विधि हेरिन्छ ।नेपालमा भने एक त विश्वास गर्न गाह्रो, गरी हाले पनि अरूमार्फत वा सुटुक्क हेर्ने हेराउने र विधि पूरा गर्ने प्रयास हुन्छ ।’
सुटुक्क ज्योतिषकहाँ धाउने नेताहरूलाई तिमल्सेनाको सुझाव छ, ‘यदि मन पवित्र छ र आस्थाले आउने भए ढुक्कसँग आउँदा हुन्छ । मान्छेले जीवनमा सफलता प्राप्त गर्न अध्यात्म र भौतिकवादलाई समन्वय गरेर अघि बढ्नुपर्ने हुन्छ ।’
वर्तमान सरकारका प्रमुख सुशील कोइरालाको ग्रह दश ठीक नभएको तिमल्सेनाको ठम्याइ छ । ‘सुशील कोइरालाको ग्रहकै कारण उनलार्ई आफ्नै पार्टी र आफूनजिकका मान्छेले खुलेर साथ दिएका छैनन् । यो सबै उनको ग्रह र दशाका कारणले हो । यही अवस्थामा अघि जाने हो भने सुशीलको सरकारले संविधान जारी गर्ने अवस्था छैन ।’
‘समस्या आयो भने त्यसको समाधानको बाटो पहिल्याएर उपचार गर्नुपर्छ । अहिले पनि केही बिग्रिएको छैन । उनले निशंकोच भएर दशमहाविद्या गराउने हो भने केही आशा गर्न सकिन्छ । शरीरमा रोग लाग्यो भने पहिला रोगको पहिचान गर्नुपर्छ, त्यसपछि उपचारको बाटो खोज्ने हो । यतिबेला सरकार केही गर्न खोज्छ तर उसको अगाडि ग्रहले समस्या तेस्र्याएको हुन्छ । हामी समस्या र समाधानको बाटो देखाइदिने हो । सरकारमा बस्ने र उनका नजिक भएकाले समाधानको बाटो खोज्नुपर्छ ।’
नेपालका प्रमुख नेता, व्यापारी, उद्योगपति जस्ता महत्वपूर्ण व्यक्ति अधिकांशले तान्त्रिक विधि र अध्यात्मको प्रत्यक्ष वा अप्रत्यक्ष विश्वास गर्ने गरेको उनै तिमल्सेनाको अनुभव छ ।
अनि उनको अनुभव यसरी बोल्छ– कोही खुला रूपमा आउँछन् र आफ्ना समस्या समाधान गरेर जान्छन् । कोही आउँछन् आफ्ना समस्याको पहिचान गराउन तर समाधानको बाटो खोज्ने बेला कसैले थाहा पाउँछ कि भनेर डराउँछन् । समाजमा नराम्रो काम गर्न डराउनुपर्छ, यो एक प्रकारले रोगको समाधान गरेजस्तै हो । किन डराउने रु समाजमा केही प्रभावशाली काम गर्नेले कर्मसँगै अध्यात्ममा विश्वास गर्नुपर्ने उनको धारणा छ ।
‘कोहीसँग नडराउने मान्छे भगवान्सँग डराउँछ । त्यो अध्यात्मप्रतिको आस्था हो । आस्था छ भने मनैदेखि विश्वास गर्नुपर्छ । धुकचुक भएर केही गर्न सकिँदैन,’ तान्त्रिक ज्योतिष तिमल्सेनाको आध्यात्मिक तर व्यावहारिक ठहर छ ।
(ज्योतिष एवं तान्त्रिक गुरू विहंगमराज तिमल्सेना संग, ९८४१३१४१२० मा सम्पर्क गर्न सकिन्छ ।)
source:onlinekhabarpati

के तपाइँसँग स्मार्टफोन छ ? यदि छ भने तपाइँलाई थाहा नभएको हुन सक्छ जुन काम तपाइँको स्मार्टफोनले गर्न सक्छ । यसमा कलिङ, च्याटिङ र म्यासेजिङ वा इन्टरेनटको काम त सबै गर्छन् तर अलि फरक काम बारे तपाइँलाई थाहा नहुन सक्छ ।
यी हुने स्मार्टफोनले गर्न सक्ने ६ अनौठा कामः
१ रिमोट कन्ट्रोल
तपाइँको टिभी, स्पिकर, DVD प्लेयर वा अन्य डिभाइसको रिमोटले काम गर्न छोड्यो भने शुरुमा हामीले ब्याट्री बदल्छौं । तर ब्याट्री बदल्दा बनेन भने चाँहि हामीले यो ठिक भएको वा नभएको कुरा पत्ता लगाउन सक्दैनौं ।
स्मार्टफोनले यो कुरा पत्ता लगाइदिन सक्छ । तपाइँले रिमोटको सेन्सर फोनको क्यामेरा नजिकै राखेर रिमोटको बटन थिच्नुस् । यसो गर्दा सेन्सरको लाइट ब्लिङ्क ग‍र्‍यो भने रिमोट ठिक छ गरेन भने ठिक छैन ।
२ इयरफोनले फोटो खिच्ने
हुन त स्मार्टफोनको इयरफोन म्युजिक वा एफएम रेडियो सुन्नका लागि मात्र काम आउने मात्र ठानिन्छ । तर तपाइँलाई थाहा नहुन सक्छ इयर फोनले तस्विर पनि खिच्न सकिन्छ ।
खासमा इयरफोनमा हुने पज वा प्ले बटनको प्रयोग गरेर स्मार्टफोनबाट फोटो खिच्न सकिन्छ । त्यसैगरी भोल्युम बढाउने र घटाउने ठाउँबाट जुम इन र जुम आउट गर्न सकिन्छ । सबैभन्दा सजिलो सेल्फी तस्विर खिच्ने समयमा हुन्छ ।
३ प्यानोरमा शट्स
अहिले बजारमा पाइने सबै स्मार्टफोनमा प्यानोरमा शट्समा तस्विर खिच्ने सुविधा हुन्छ । यो फिचर छैन भने पनि गुगल प्ले स्टोरबाट डाउनलोड गर्न सकिन्छ । प्यानोरमा शट्समा ३६० डिग्री सम्मको तस्विर खिच्न सकिन्छ । स्मार्टफोनमा प्यानोरमा शट्स खिच्दा खिच्दै पछाडी हट्ने वा अन्य लोकेशन देखाउने हो भने एकै पटक विभिन्न प्यानोरमिक शट्स खिच्न सकिन्छ ।
४ फोन खोज्ने सुविधा
स्मार्टफोन साथमा हुँदा त विभिन्न काम गर्न सकिन्छ नै यसको विशेषता के हो भने यो हरायो भने पनि खोज्न सकिन्छ । स्मार्टफोनमा फोन लोकेटर डाउनलोड गर्ने हो भने तपाइँको फोनमा भएका डाटा कन्ट्रोल मात्र होइन यो कहाँ छ भन्ने समेत थाहा पाउन सकिन्छ । यसका लागि डिभाइस म्यानेजर एक्टिभेट भएको हुनु पर्छ । फोन नभेटिएमा कम्तिमा डाटा डिलिट गर्ने सुविधा यसमा हुन्छ ।
५ लेन्सको क्वालिटी बढाउने
स्मार्टफोनको क्यामेरा राम्रो भएपनि कतिपय तस्विर राम्रो हुँदैन । यस्तो अवस्थामा तपाइको मोबाइलको क्यामेराको लेन्समा एक बुँद पानी लगाएर तस्विर निकाल्नु भो भने राम्रो तस्विर निकाल्न सकिन्छ । खासमा यसो गर्दा तपाइँको फोनको जुम राम्रो हुन्छ । यसले विना जुम साना साना चिज समेत देखाइदिन्छ । क्लोजअपमा कुनै पनि तस्विर खिच्नका लागि यो काइदा राम्रो हुन्छ ।
६ फोनको साउण्ड क्वालिटी
कतिपय अवस्थामा हामीले फोनमा मात्र बजाएको म्यूजिक साउण्डले पुग्दैन । आवाज बढी भए हुन्थ्यो जस्तो हुन्छ । यसका लागि एउटा ट्रिक प्रयोग गर्न सकिन्छ । तपाइँको स्मार्टफोनलाई एक खाली जारमा राखेर म्यूजिक बजाउनु भो भने यसको साउण्ड अत्याधिक ठूलो हुन्छ । जसले गर्दा तपाइँले चाहे जस्तो ठूलो आवाजमा म्यूजिक सुन्न सकिन्छ ।source:nepaliheadlines

४६ वर्षअघि अर्थात् २० जुलाई १९६९ मा संयुक्त राज्य अमेरिकाले घोषणा गर्‍यो, ‘नासाले प्रक्षेपण गरेको अपोलो–११ यान तीन अन्तरिक्षयात्री बोकेर चन्द्रमामा अवतरण गरेको छ ।’ अमेरिकी अन्तरिक्षयात्री निल आर्मस्ट्रङ चन्द्रमामा पाइला राख्ने पहिलो मानव भएको पनि बताइयो । तर, ४६ वर्षपछि पनि मानव सवार अमेरिकी यान चन्द्रमामा पुगेको थियो, दुई अमेरिकी अन्तरिक्षयात्रीले पाइला टेकेका थिए भन्नेमा मानिस सन्देह व्यक्त गर्छन् । खासगरी रुससँग प्रतिस्पर्धा गर्न र भियतनाम युद्धबाट ध्यान मोड्न चन्द्रमा यात्राको मञ्चन गरिएको भन्ने पनि छन् । यसमा नासामै काम गरेका पूर्ववैज्ञानिक पनि छन् । कतिले यससम्बन्धी पुस्तक पनि लेखेका छन् । त्यसक्रममा उनीहरूले विभिन्न प्रश्न उठाएका छन् ।
१. चन्द्रमामा खिचिएको भनिएको तस्बिरमा अमेरिकी झन्डा हावामा उडिरहेको देखिन्छ । जानकारहरू तर्क गर्छन्– वायुमण्डल नभएको चन्द्रमामा यो कसरी सम्भव भयो ? २. यो मिसनका सबै तस्बिरमा आकाशमा तारा देखिन्न । आशंका गर्नेहरू भन्छन्– सबैतिर कालैकालो देखिन्छ, ताराहरू किन देखिएनन् ? ३. अन्तरिक्षयात्रीले खिचेका तस्बिरमा देखिएको छायालाई लिएर पनि प्रश्न उठाइएको छ । तस्बिरमा अलग–अलग कोणबाट फरक–फरक आकारको छाया देखिएको छ । मानौँ, कैयौँ दिशाबाट प्रकाश दिइएको छ, जस्तो स्टुडियोमा खिचिन्छ । ४. मानिस अन्तरिक्षयात्रीले चन्द्रमामा राखेको पाइलाको निसान यति प्रस्ट कसरी भयो भनेर पनि प्रश्न गर्छन् जब कि चन्द्रमामा न त वायुमण्डल छ न त्यहाँ वर्षा नै हुन्छ । ठोस जमिनमा कसरी यो सम्भव भयो ? ५. चन्द्रमामा खिचिएका विभिन्न मिसनका तस्बिरमा किन थरीथरीका रहस्यमय प्रकाश देखिएका छन् ? ६. सूर्यबाट निक्लिने रेडियसनले कुनै पनि मानिसलाई मारिदिन सक्छ । तर, नासाले १२ अन्तरिक्षयात्रीलाई कसरी चन्द्रमामा पुर्‍याई सुरक्षित पृथ्वीमा लिएर आयो ? ७. चन्द्रमामा सुरुमा दुईजनाले पाइला टेकेको र एकजना चन्द्रमाको कक्षमा बसेको भनिएको छ । तर, निल आर्मस्ट्रङको हेल्मेटको सिसामा अर्का यात्री देखिन्छन् । उनीहरूको तस्बिर कसले लियो ? ८. किन सन् १९७२ पछि कुनै मानिस चन्द्रमामा पुग्न सकेको छैन, जब कि त्यसयता अन्तरिक्षसम्बन्धमा नयाँ–नयाँ खोज भएको छ, प्रविधिले पनि ठूलो फड्को मारिसकेको छ ? चन्द्रमामा अमेरिकाका अन्तरिक्षयात्रीले पाइला राखेकोमा प्रश्न उठाउनेहरू यसलाई तत्कालीन रुस र अमेरिकाबीच भएको शीतयुद्धको परिणाम पनि ठान्छन् । सन् १९५७ अक्टुबर ४ मा रुसले पृथ्वीको कक्षमा ‘स्पुतनिक’ नामको यानमार्फत कृत्रिम उपग्रह पठाएको थियो । अमेरिकाका तत्कालीन राष्ट्रपति जोन एफ. केनेडीले सन् १९६२ मा ६० कै दशकमा आफूहरू चन्द्रमामा पाइला टेक्ने घोषणा गरेका थिए, जब कि त्यसवेला अमेरिकाको नासा अन्तरिक्षमा यान नै पठाउन सफल भएको थिएन । त्यसैले कैयौँ मानिस चन्द्रमामा मानिसले पाइला टेकेको दृश्य पृथ्वीकै कुनै अज्ञात स्थानमा स्टुडियो बनाएर खिचिएकोसम्म ठान्छन् । आलोचकहरू अमेरिकाका ‘एरिया–५१’ नामको सैन्य बेसमा उक्त दृश्यको सुटिङ गरिएकोसम्म दाबी गर्छन् । source:nayapatrica

 सन् २००९ मा मानिसबस्न मिल्ने ग्रहको खोजीको लागि नाशाले सुरु गरेको ‘केपलर मिसन’ ले जीवनको लागि अत्यावश्यक पानीको खोजी गर्दै थियो।
एक प्रेस विज्ञप्ती निकाल्दै नाशाले यस्तो भनेको छ। ‘सौर्य प्रणाली भन्दा बाहिर, खासगरी पृथ्वीका आकार जस्ता, २१ वर्ष अघिसम्म ‘साइन्स फिक्सन’ मा मात्र सिमित, आज हजारौं नयाँ खोज पश्चात खगोलविद्हरु, हामीले हजारौं वर्षदेखि देख्दै आएको सपना विपनामा परिवर्तन गर्ने धारमा छन्, त्यो हो अर्को पृथ्वी।’
another earth
नाशाले नयाँ खोजको बारेमा एक प्रेस कन्फरेन्स राख्दैछ, जहाँ यो नयाँ खोजका तथ्यहरु सार्वजनिक गरिने बताइन्छ।
केप्लर टेलिस्कोपले अहिलेसम्म १००० भन्दा बढी नयाँ ग्रह पत्ता लगाइसकेको छ र ३००० भन्दा बढी ग्रहलाई जीवनको लागि सम्भावना बोकेको ग्रहमा सुचीकृत गरिसकेको छ।
नयाँ पृृथ्वी नै भेटिएको हुने जरुरी नभए पनि नाशाले केही महत्वपुर्ण खोज भने गरेको बुझिन्छ। भेटिएको खण्डमा भने पुरै मानिस जातिको लागि यो निकै नलौ खबर अनि एक अवसर पनि हुनेछ। साथै ब्रम्हाणमा पृथ्वीमात्र एक्लो घर नभएको कुरा सत्य सावित हुनसक्छ। जीवनको सम्भावना बोकेको नयाँ ग्रहको खोजी भएमा  पृृथ्वीमा कुनै खगोलीय वा प्राकृतिक दुर्घटनाले मानिसको अस्तित्व धरापमा पर्ने अवस्थामा के गर्ने भन्ने वैज्ञानिकहरुको चिन्ता पनि कम हुनेछ। यो बारेमा विस्तृत विवरण भने नाशाले सार्वजनिक गर्दैछ।
source:nepaliheadlines

सलमान खानको पछिल्लो फिल्म ‘बजरंगी भाइजान’ ले बक्सअफिसमा धमाका पिटिरहेको छ । सँगै, उनका पिता सलीम खानले बजरंगी भाइजान रिलिजको अघिल्लो दिन सोही नामसँग मिल्दोजुल्दो ‘जियोग्राफी विथ बजरंगी भाइजान’ नामक पुस्तक विमोचन गरेका छन्। यसै मौकामा सलमानका पिताले उनको बाल्यावस्था र विवाहसँग जोडिएका प्रसंगहरुबारे खोले।

लामो समयदेखि सलमान खानको विवाहलाई लिएर चलेको बहसमा पत्रकारले सोधेको प्रश्नमा सलीमले मुखै फोरेर भनिदिए,‘यस प्रश्नका जवाफ म त के अल्लाह मियाँले पनि दिन सक्दैनन्।’

सलीमको यस्तो जवाफबाट मिडियाले अन्दाज लगाइहाले, उनको बिहेलाई लिएर परिवार पनि हैरान भइसके र सोच्न पनि छोडिदिए।

पुस्तक विमोचन समारोहमा सलीमले छोरा सलमानलाई  उडाउनुसम्म उडाए। उनले सलमानको बाल्यावस्थासँग जोडिने प्रसंगमा सलमानलाई जिस्काउँदै सोधे,‘तिमी सानो छँदा एकजना व्यक्ति थिए, जसले तिमीलाई पढाउँथे। तिमी परिक्षाभन्दा अघि त्यो व्यक्तिसँग म जाँचमा पास हुन्छु कि हुँदिन भन्दै सोध्न जान्थ्यौ। तिमी त्यही व्यक्तिकै कारण पास हुने गथ्र्यौ। त्यो व्यक्तिको नाम के हो रे ?’

पिताको प्रश्नमा सलमानले भने हाँस्दै भने,‘याद छैन ड्याडी !’ बाबुछोराको यस्तो सवालजवाफ सुनिरहेका उपस्थित भएका सबै गलल्ल  हाँसे। सलीमले सलमानलाई उडाउने प्रसंग अझ थप्दै जाँदा सलमान भने मुस्कुराइरहन्थे।source taja khabar

काठमाण्डौ । दिल्लीमा भिडीयो छायांकन गर्दै गर्दा म्रुत्यु भयकी मोडल सबिना बिकको शब आज नेपाल आइपुग्ने भएको छ ।
 हामिसँग कुरा गर्दै छायांकार मुकेस हुमागाइले भने आज दिल्लबाट शब लिएर हाम्रो टोली हिडेको छ तीन बजे सम्म हामी काठमान्डौ आइपुग्छौ ।
 केही दिन अघी म्युजिक भिडियोको सुटिङ गर्दै गर्दा सविनालाई रेलले ठक्कर दिँदा उनको मृत्यु भएको हो । चलचित्र ‘टाइम नेभर कम ब्याक’मा समेत सहनायिका भएर काम गरेकी सविना नयाँ दिल्लीमै बस्ने गर्थीन् ।
 ‘सातवटा म्युजीक भिडीयो खिच्न दिल्ली पुगेको टोलीले पाँच वटा गीतको सुटिङ भने सकिइसकेको थियो ।
 भिडीयो छायांकनको लागी नेपाल बाट निर्देशक नवीन पन्त, छायाकार मुकेश हुमागाइँ, मेकअप आर्टिस्ट उर्मिला राई लगायतको टोली भारतको नयाँ दिल्ली पुगेका थिए ।source taja khabar

अमिर खान सलमान खानले 'बजरंगी भाईजान'मा गरेको अभिनय देखेर भावुक भएका छन्।
शनिबार राति आफ्ना केही साथीसहित छोरी इरा र भाई फैजलसँग फिल्म हेर्न लाइट बक्स थिएटर पुगेका थिए। फिल्म हेरेपछि सलमान खानको अभिनय देखेर उनी भावुक मात्र होइन रोएका पनि थिए।
फिल्म सकिएपछि उनलाई बाहिर निस्किएको बेला आँसु पुछिरहेको तस्विर भारतीय मिडियामा आएको छ। यसअघि नै उनले 'बजरंगी भाईजान' को तारिफ गर्दै ट्विटमा यो फिल्मलाई सलमान खानको अहिलेसम्मकै राम्रो फिल्म भएको बताएका थिए।
यसैबीच अमिरले आफ्ना शुभचिन्तकलाई 'बजरंगी भाईजान' एकपटक हेर्न आग्रहसमेत गरेका छन्। अमिरले ट्विटमा फिल्म निर्देशक, फिल्मको कथाबस्तुकोसमेत तारिफ गरेका छन्।
उनले फिल्ममा अभियन गरेकी बाल कलाकार शाहिदा उर्फ मुन्नी उर्फ हर्षालीको पनि तारिफ गरेका छन्।
शुक्रबार रिलिज भएको फिल्म बजरंगी भाईजानले ६३ दशवमल ७५ करोडको कमाइ गरेको भारतीय सञ्चार माध्यमहरूले जनाएका छन्।source kala.setopati

एजेन्सी । चर्चित गित ग्यान्नम  स्टाइलका गायक पि.एस.याइ सडक दुर्घटनामा परेका छन् ।
उनी चढेको कार यात्रुबाहक बससंग ठोक्किदा उनी घाइते भएका चाइना डेलीले बताएको छ ।
समाचार अनुसार उनी कारमा कार्यक्रमका लागी रोल्स रोयल होटलमा जाने क्रममा उनलाई चीनको झेजियाङ प्रान्तको हाङगो सडक खण्डमा दुर्घटनामा परेका हुन् ।
घाइते भएका उनको अस्पतानमा भर्ना गरेर उपाचार भइरहेको छ । डाक्टरले उसको अबस्था सामान्य रहेको बताएका छन्
सन् २०१२ बिश्वभरी ग्यान्नम  स्टाइल बोलको गीत बोलेको गीत बिश्व भरी प्रसिद्ध कामएको थियो भने युट्युवमा पनि धेरै पटक हेरीएको थियो।

कट्रिना कैफको ३२ औं जन्मदिनको समारोहमा रणविर कपुरले औंठी उपहार दिएका छन्। खबरअनुसार रणविरले कट्रिनालाई सरप्राइज पार्टी मात्र दिएनन् प्लाटिनमको औंठी पनि उपहार दिए । जुन औंठीमा ‘केके’ लेखिएको छ ।

बताइएअनुसार कट्रिनाका ब्वाइफ्रेण्ड रणविरले औंठी दिएर सम्बन्धलाई अझ औपचारिकताको घोषणा गरेका हुन् । उसो त यो जोडीले केही समयअघि आफूहरुले बिहे गर्न लागेको तर अहिले समय नभएकाले अर्को वर्ष गर्ने बताउँदै आएका थिए । उनीहरुको बिहे सन् २०१६ को अन्तिममा हुन सक्ने पनि आँकलन गरिएको छ ।

सन् २०१० मा रिलिज भएको ‘अजब प्रेमकी गजब कहानी’ बाट सुरु भएको मित्रताले औपचारिकता पाउँदै गएको थियो । मिडियामा कयौं उतारचढाव आएको बताइए पनि उनीहरु हाल मुम्बईमा ‘लिभ–इन रिलेसनसिप’ छन् ।

करियरले सिँढी चढ्दै गर्दा कट्रिना सलमान खानको प्रेमिका भनेर चिनिएकी थिइन् भने रणविरका पूर्वप्रेमिका दिपिका पादुकोणको पनि रणविर सिंहसँग बिहे हुने हल्ला चुलिँदो छ ।source kala.setopati.