News » .पाकिस्तानले भारतीय 'जासुसी' जहाज खसाल्यो

एजेन्सी : पाकिस्तान आफ्नो आकाशमा जासुसी गर्न आएको एउटा मानवरहित जहाजलार्इ गोली हानेर खसालिदिएको दाबी गरेको छ।

पाकिस्तानले आफ‍नो भूमिमा जासुस गर्न पसेको मानवरहित 'ड्रोन जहाज' लार्इ बुधबार गोली हानेर खसालिदिएको समाचार सार्वजनिक गरेको हो ।


कश्मिरको पाकिस्तान नियन्त्रणमा क्षेत्रमा पसेको सो मानवरहित जहाजलार्इ पाकिस्तानी अधिकृत कश्मीर (पीओके) मा खसालिएको हो । जहाज खसालिएको घटनाको भारतले भने खण्डन गरेको छ । उसले यो घटनालार्इ झुटो भनेको छ ।

पाकिस्तानी जासुसी संस्था आईएसआईले बुधबारै प्रेस वक्तब्य निकालेर यस कुराको पुष्टि गरेको छ । 'पीओकेको भिमबेरमा पसेको भारतीय ड्रोनलार्इ सेनाले खसालिदिएको छ', आर्इएसआर्इले भनेको छ, 'यो ड्रोन वायुसीमाको उलंघन गर्दै पाकिस्तान पसेको थियो ।

पाकिस्तानी पत्रिका डनको रिपोर्टअनुसार यो मामिलामा पाकिस्तानी सेनाले भारतले आफ‍्नो भूमिमा ड्रोन पठाएर गोप्य जानकारी हाँसिल गर्न खोजेको पाइएपछि जहाज खसाल्न बाध्य भएको जनाएको छ ।

ड्रोनमा लगाइएको स्पाई क्यामेराको सहयोगमा भारतले पाकिस्तानबाट सूचना चर्न खोजेको पाकिस्तानी सञ्चारमाध्यमले जनाएका छन् ।
source .annapurnapost.