News » सलमान खानविरुद्ध सडकमा प्रदर्शन, पोष्टरमा कालो पोतियो घरमा सुरक्षाकर्मी तैनाथ । रामदेबले जेल पठाउन माग गरे

बम आक्रमणमा संलग्न भएको आरोपमा फाँसीको सजाय पाएका याकुब मेमनलाई फाँसी दिनु हुँदैन भन्दै ट्वीट गरेर विवादमा आएका सलमान खानविरुद्ध विरोध प्रदर्शन भएको छ ।

सलमानविरुद्ध मानिसहरु सडकमा उत्रिएको भारतीय सञ्चार माध्यमले जनाएका छन् । रिसाएका मानिसहरुले भारतको सतारामा सलमानको फिल्मी पोष्टरमा कालो पोतिदिएको समाचारमा उल्लेख छ ।
सलमान खानका पिताले सलमान खानको ट्वीटलाई आलोचना गर्दै अभिब्यक्ति दिएपनि मानिसहरुको आक्रोश रोखिएको छैन ।
सलमान खानको घरमा सुरक्षा ब्यवस्था कडा तुल्याइएको समाचारमा उल्लेख छ । यसैबीच बाबा रामदेवले याकुब मेमन देशको दुश्मन भएको भन्दै उनलाई फाँसी दिन माग गरेका छन् ।
उनले सलमानको नाम नलिइकन याकुवको समर्थन गर्नेलाई मुद्धा हालेर जेल हाल्नु पर्ने माग गरेका छन् ।
source:nepaliheadlines