News » .अवैध गर्भ बोकेको आरोप लागेकी महिलाको पेटमा भेटियो चार किलोको ट्युमर ...

साउन-दुई हप्ता अगाडि जुम्लाबाट डोल्पा आएको कर्णाली स्वास्थ्य विज्ञान प्रतिष्ठानको टोलीले पहिलोपटक यहाँ शल्यक्रिया सेवा दिएको छ ।

प्रतिष्ठानको घुम्ती टोलीले बुधबार दिउँसो डोल्पा जिल्लाको एकमात्र सरकारी जिल्ला अस्पतालमा ६१ वर्षीया महिलाको ट्युमरको सफल शल्यक्रिया गरेको छ ।


करिब एक घन्टाको शल्यक्रियापछि ती महिलाको पेटबाट चार किलो बराबरको ट्युमर झिकिएका डा निरेश थापाले जानकारी दिए ।


लिकु गाविस–३ चँकी जमुना रोकायको शल्यक्रिया गरिएको हो ।
दश वर्ष अगाडि श्रीमान् गुमाएकी ६१ वर्षीया रोकाय गाउँलेले अरुको गर्भ बोकेको भन्दै कुरा काट्न थालेपछि स्वास्थ्य जाँचका लागि अस्पताल आएकी हुन् ।
अस्पतालमा आएर भिडियो एक्सरे गरेपछि पेटभित्र ट्युमर भएको पत्ता लाग्यो ।
जिल्ला बाहिर लगिए दुई लाखसम्म खर्च लाग्थ्यो तर उनको निःशुल्क उपचार सम्भव भयो । आफू जस्तै आर्थिक अवस्था कमजोर भएका विपन्न सर्वसाधारणलाई प्रतिष्ठानको टोलीले ठूलो सहयोग पु¥याइररहेको उनले बताइन् ।
उक्त टोलीले आएको दुई हप्ता नपुग्दै पाँचवटा शल्यक्रिया सम्पन्न गरिसकेको छ ।
शल्यक्रियापछि रोकायको स्वास्थ्य अवस्था सामान्य रहेको अस्पतालले जनाएको छ source kathmandutoday.com