Video » .आफ्नै प्रेमीबाट लुटिएपछि यसरी झर्यो नायिका अधिकारीको आँसु हेर्नुहोस भिडियो सहित

मिडिया एनपी, काठमाडौं, ३१ असार । नायिका केकी अधिकारीले अभिनय गरेको नयाँ गीतको म्युजिक भिडियो सार्वजनिक भएको छ । सो म्युजिक भिडियोमा नायिका अधिकारीले गाउँकी सोझी दलित केटीको भूमिका निर्वाह गरेकी छन् । जहाँ उनलाई उनका प्रेमीले गर्ववती बनाएर छाडेका छन् । त्यसपछि एउटा होटलमा केकीले गीत गाउँदै गरेको दृष्यबाट सुरु भएको गीतको  म्युजिक भिडियो त्यही होटलमा प्रेमीसँगको मिलनमा पुगेर टुङगिएको छ । उनलाई पर्दामा एक समय गीतको म्युजिक भिडियोमा जमेका मोडल दिर्पशन जंग राणाले साथ दिएका छन् । साथमा दिपक आचार्य र सुनिता ठाकुरको पनि अभिनय देख्न सकिन्छ ।
प्रेममा धोका खाएपछि केकीले ‘छुट्टिएर हैन म लुटिएर रुन्छु’ भन्दै गीत गाएको र त्यही गीत गाउँदा गाउँदै उनीहरुको मिलन भएको सिन देखाईएको छ । सुरेश थापाले निर्देशन रहेको उक्त भिडियोमा मिलन अमात्यको स्वर रहेको छ । गीतमा अर्जुन थापाको शब्द रहेको छ भने राजेश थापाको संगीत रहेको छ । म्युजिक भिडियो शिबराम श्रेष्ठले खिचेका हुन् । यो भिडियो सुरेश राउतले इडिट गरेका छन् ।